• weather cur airplane

    თუშურ დიალექტს საფრთხე ემუქრება - ეთერ თათარაიძე

    შაბათი, 18 მარტი 2017 15:42 view 4229
    თუშურ დიალექტს საფრთხე ემუქრება - ეთერ თათარაიძე

    „ბოლო დროს, როცა ჩავდივარ ალვანში, გული მიკვდება იმიტომ, რომ ხმოვანზე მახვილმა სხვაგან გადაადგილება დაიწყო. ამას სხვა შეიძლება ვერ ხვდება, მაგრამ მე ვიცი, რომ იქ უკვე ინგრევა რაღაც და ძალიან არ მემეტება. თუშურ დიალექტს საფრთხე ემუქრება“, – ამის შესახებ პოეტმა და ფოლკლორისტმა ეთერ თათარაიძემ პანკისის სათემო რადიო WAY–ს ეთერში განაცხადა.

    ფოლკლორისტი ზეპირსიტყვიერების დღევანდელ მდგომარეობასაც შეეხო და აღნიშნა, რომ დღეს მისი დამახინჯება ხდება.

    „ძალიან ბევრი ხელი ერევა დღევანდელობაში და ეს არის ჩემთვის ძალიან სამწუხარო. გაგებაც არა აქვთ საერთოდ, შეგრძნებაც არა აქვთ ისეთი ადამიანები კიდებენ ხელს, ვითომ რაღაც საღამოებს ატარებენ. ბედნიერება იქნებოდა, რომ მგრძნობიარე და მცოდნე ადამიანი ედგას ასეთ საქმეს და რაც მეტი ჩატარდება მთელ საქართველოში, ეს იქნება ჩვენი ბედნიერება, მაგრამ სწორედ უნიჭოები კიდებენ სამწუხაროდ ხელს, რაღაც ფესტივალებს არქმევენ ამას. ეს არის გაუგონარი სიმახინჯე. ეს ძალიან ცუდ, მწარე ნაყოფს იძლევა“, - აღნიშნა პოეტმა.

    ეთერ თათარაიძე პანკისის ხეობაში გუშინ იმყოფებოდა, სადაც მისი 60 წლის იუბილისადმი მიძღვნილი პოეზიის საღამო გაიმართა. პოეტის თქმით, დიდი ხნის შემდეგ, ის ახმეტის რაიონში გამართულ მსგავს ღონისძიებაზე პირველად მიიწვიეს.

    „ძალიან მადლიერი ვარ დღეს, რომ სწორედ ჩემმა ბერდედის ძმებმა, ქისტებმა გადაწყვიტეს ჩემი მოწვევა. მე შეიძლება არავინ არ ვარ, მაგრამ მთელ საქართველოში სკოლა, უნივერსიტეტი, რეგიონი, რაიონი არ არის, სადაც არ მთხოვენ და არ ვყოფილვარ. საყვედურს კი არ ვეუბნები ჩემს რაიონს, არა. ოდესღაც ჩვენ, მე და ლელას ახმეტაში გვქონდა ასეთი შეხვედრა და ერთხელ ქვემო ალვანში“, - აღნიშნა ეთერ თათარაიძემ. მასთან ერთად სტუდიაში სტუმრად იმყოფებოდა პუბლიცისტი იოსებ ჭუმბურიძე.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    USAID პანკისის ხეობაში 30 მცირე ბიზნესს განვითარებაში დაეხმარება

    საქართველოში აშშ-ის საერთაშორისო განვითარების სააგენტოს (USAID) მისიის დირექტორის მოადგილე, თომას…

    მუშაობა მობილურის შუქზე და შეფერხებული საწარმოო პროცესი პანკისში

    მოძველებული და გაუმართავი ქსელის გამო კახეთში ელექტროენერგიით მომარაგების კუთხით ყველაზე…

    USAID-ის წარმომადგენლები პანკისის მცხოვრებლებს საგრანტო კონკურსს გააცნობენ

    23 მარტს, აშშ-ის საერთაშორისო განვითარების სააგენტოს (USAID) მისიის დირექტორის მოადგილე,…
  • პოპულარული

  • შემოგვიერთდით

    მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    16 100

    Radioway.ge@gmail.com