• weather cur airplane

    წარმოშობით პანკისელი მურად მარგოშვილი საქართველომ ტერორისტთა სიაში შეიყვანა

    ორშაბათი, 28 აგვისტო 2017 13:50 view 1915
    წარმოშობით პანკისელი მურად მარგოშვილი საქართველომ ტერორისტთა სიაში შეიყვანა

    წარმოშობით პანკისელი, 47 წლის მურად მარგოშვილი, იგივე აბუ-მუსლიმ ალ-შიშანი, საქართველოს ფინანსური მონიტორინგის სამსახურმა იმ ფიზიკურ პირთა სიაში შეიყვანა, რომლებიც ალ-ქაიდას წევრები არიან ან დაკავშირებულნი არიან მასთან. ფინანსური მონიტორინგის სამსახურის უფროსის ბრძანება 23 აგვისტოს გამოქვეყნდა.

    ბრძანების მიხედვით, მურად ირაკლიევიჩ მარგოშვილი 1970 წლის 15 იანვარს გროზნოში დაიბადა და რუსეთის მოქალაქეა. ის ასევე ცნობილია შემდეგი მეტსახელებით: ზურაბ ირაკლიევიჩ მარგოშვილი, მურად ახმედოვიჩ მადაევი, ლოვა მადაევი, აბუ-მუსლიმ ალ-შიშანი, მუსლიმ, ლავა, ჯონ, ჯორჯ, არტურ, სედოი.

    დოკუმენტის თანახმად, მარგოშვილი ასოცირებულია ალ-ნუსრას ფრონტთან ( Jabhat al-Nusrah), რომელიც ალ-ქაიდას მოკავშირე ექსტრემისტული დაჯგუფებაა და სირიისა და ლიბანის ტერიტორიაზე მოქმედებს.

    მურად მარგოშვილი აშშ–ის სახელმწიფო დეპარტამენტის მიერ გამოქვეყნებულ ტერორისტულ საქმიანობაში ეჭვმიტანილთა შავ სიაში 2014 წლიდან იმყოფება. დეპარტამენტის განცხადებით, მურად მარგოშვილი სირიაში მყოფი ცნობილი ჩეჩენი ლიდერია, რომელმაც სირიაში, თურქეთის საზღვართან ახლოს ტერორისტების საწვრთნელი ბაზა ააშენა.

    მარგოშვილს რუსეთის ინტერპოლიც ეძებს. გავრცელებული ინფორმაციით, საბჭოთა პერიოდში ის მოლდოვაში, საჰაერო თავდაცვის დანაყოფში მსახურობდა, საბჭოთა კავშირის დაშლის შემდეგ კი ჩეჩენ ამბოხებულებთან ერთად იბრძოდა.

    საქართველოს ფინანსური მონიტორინგის სამსახურის მიზანია საქართველოში უკანონო შემოსავლის ლეგალიზაციისა და ტერორიზმის დაფინანსების აღკვეთის ხელშეწყობა.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ახმეტაში მერობის 8 კანდიდატია რეგისტრირებული

    2017 წლის 21 ოქტომბრის ადგილობრივი თვითმმართველობის არჩევნებისთვის ახმეტის მუნიციპალიტეტში მერობის…

    სკოლაში ჰიჯაბის მოხსნის მოთხოვნა ზღუდავს რელიგიის თავისუფლებას – სახალხო დამცველი

    სახალხო დამცველის, უჩა ნანუაშვილის განცხადებით, სკოლის ადმინისტრაციის მხრიდან მოსწავლე გოგონებისთვის…

    ახმეტაში ჩინოვნიკების ავტომანქანების რემონტზე ერთ თვეში 8 000 ლარი დაიხარჯა

    ახმეტის გამგეობის თანამდებობის პირების ავტომანქანების რემონტზე მხოლოდ 1 თვეში ბიუჯეტიდან…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    16 100

    Radioway.ge@gmail.com