• weather cur airplane

    კიევში ავტომობილის აფეთქების შედეგად თემურ მახაური, იგივე „ზონა“ დაიღუპა

    პარასკევი, 08 სექტემბერი 2017 23:28 view 1019
    კიევში ავტომობილის აფეთქების შედეგად თემურ მახაური, იგივე „ზონა“ დაიღუპა

    კიევის ცენტრში ავტომობილის აფეთქების შედეგად საქართველოს მოქალაქე თემურ მახაური, მეტსახელად „ზონა“ დაიღუპა. მახაური ჯოხარ დუდაევის სახელობის მოხალისეთა ჩეჩნური ბატალიონის წევრი იყო, რომელიც დონბასში საბრძოლო მოქმედებებში უკრაინის მხარეს იბრძოდა. სამართალდამცავმა ორგანოებმა საქმე განზრახ მკვლელობის მუხლით აღძრეს.

    რადიო „თავისუფლების“ ინფორმაციით, ავტომობილში ბავშვიც იყო, საჭეს კი ქალი მართავდა. ისინი სხვადასხვა დაზიანებებით საავადმყოფოში მოათავსეს. ბავშვის სიცოცხლეს საფრთხე არ ემუქრება. ექიმები ქალის გადარჩენას ცდილობენ.

    რადიო „თავისუფლება“ თემურ მახაურის მეგობრებზე დაყრდნობით წერს, რომ ის ჩეჩნეთის პირველ და მეორე ომში მონაწილეობდა, ჩეჩნეთის მეთაური რამზან კადიროვი მას „პირად მტერს“ უწოდებდა.

    მიმდინარე წელს თემურ მახაური კიევში იარაღის უკანონო შენახვისთვის დააკავეს და პირობითი სასჯელი შეუფარდეს.

    2012 წელს ის თურქეთში ჩეჩენი ოპოზიციონერების მკვლელობის ბრალდებით დააკავეს, თუმცა ბრალი არ დაუმტკიცდა და 2016 წელს ციხიდან გამოუშვეს.

    თემურ მახაური ასევე ცნობილია როგორც რუსლან პაპასკირი და ალი დაბუევი.

    შეგახსენებთ, რუსლან პაპასკირის, მეტსახელად „ზონას“ სახელი, 2012 წლის 28 აგვისტოს, ლოპოტას ხეობაში ჩატარებული სპეცოპერაციის დროსაც გაჟღერდა. არსებული ინფორმაციით, ის ჩართული იყო უცხო ქვეყნებიდან ახალგაზრდების ჩამოყვანასა და გაწვრთნაში, რომლებსაც შემდეგ უკანონო შეიარაღებულ ჯგუფში აწევრიანებდნენ.

     

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ახმეტაში მერობის 8 კანდიდატია რეგისტრირებული

    2017 წლის 21 ოქტომბრის ადგილობრივი თვითმმართველობის არჩევნებისთვის ახმეტის მუნიციპალიტეტში მერობის…

    სკოლაში ჰიჯაბის მოხსნის მოთხოვნა ზღუდავს რელიგიის თავისუფლებას – სახალხო დამცველი

    სახალხო დამცველის, უჩა ნანუაშვილის განცხადებით, სკოლის ადმინისტრაციის მხრიდან მოსწავლე გოგონებისთვის…

    ახმეტაში ჩინოვნიკების ავტომანქანების რემონტზე ერთ თვეში 8 000 ლარი დაიხარჯა

    ახმეტის გამგეობის თანამდებობის პირების ავტომანქანების რემონტზე მხოლოდ 1 თვეში ბიუჯეტიდან…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    16 100

    Radioway.ge@gmail.com