• weather cur airplane
    მე და სახელმწიფო

    საქართველოს შრომის, ჯანმრთელობისა და სოციალური დაცვის სამინისტროს საყოველთაო ჯანდაცვის პროგრამაში შეაქვს ცვლილებები, რომლის მიხედვითაც, პროგრამის სერვისების მოცულობა მოქალაქეების ინდივიდუალური შემოსავლის მიხედვით განისაზღვრება.

    ახმეტის მუნიციპალიტეტში რეგისტრირებული 24 სასოფლო სამეურნეო კოოპერატივიდან 3 პანკისის ხეობაშია. კოოპერატივი „ურთანაული“ სოფელ ძიბახევში მეფუტკრეობას მისდევს, „სპეროზა“ და „პანკისი 2015“ კი სოფელ დუისში რეგისტრირებული მესაქონლეობის კოოპერატივებია. „პანკისი 2015-ის“ თავმჯდომარე ნოდარ მაჩალიკაშვილი მიიჩნევს, რომ წარმოებული პროდუქციის რეალიზაციის პრობლემა არსებულ კოოპერატივებს განვითარებაში უშლის ხელს.

    2016 წელს პანკისის ხეობაში ჩატარებული კვლევის მიხედვით, 14-დან 29 წლამდე ასაკის ახალგაზრდების 57% მიიჩნევს, რომ მათ სოფელში გასართობი და დასასვენებელი ადგილები არ არის. ახალგაზრდების უმრავლესობა, 61% კი ამბობს, რომ ფიზიკური აქტივობით/სპორტით არ არის დაკავებული.

    კულტურის მინისტრ მიხეილ გიორგაძის განცხადებით, კულტურული მრავალფეროვნების წარმოჩენის მხარდაჭერა საქართველოს მთავრობის მნიშვნელოვან პრიორიტეტს წარმოადგენს.

    ერთიანი ეროვნული გამოცდებისთვის აბიტურიენტთა რეგისტრაცია 23 თებერვალს დაიწყო და 31 მარტს დასრულდება. პანკისის ხეობის ოთხ სკოლაში 55 აბიტურიენტია. მათ სტუდენტთა სოციალური პროგრამის ფარგლებში, სახელმწიფო სასწავლო გრანტის მიღების შესაძლებლობა აქვთ. 2016 წელს ამ პროგრამაში პანკისის ხეობისთვის 14 ადგილი იყო გამოყოფილი.

    პანკისის ხეობის სოფლებში, წინუბანსა და ქორეთში სასმელი წყალი მღვრიე და ნალექიანია. წყალი განსაკუთრებით გაზაფხულისა და ზაფხულის პერიოდში ბინძურდება და ხშირად სხვადასხვა ცოცხალი ორგანიზმიც მოჰყვება. სურსათის ეროვნული სააგენტოს მიერ პანკისში 2014, 2015 და 2016 წლებში აღებულ სასმელი წყლის სინჯებში სანიტარული და მიკრობიოლოგიური დარღვევები გამოვლინდა.

    საქართველოში მსუბუქი ავტომობილების ტექნიკური დათვალიერება სავალდებულო 2018 წლის 1 იანვრიდან გახდება. დღეს საქართველოში მილიონზე მეტი ავტომობილია რეგისტრირებული, საიდანაც ნახევარზე მეტის ასაკი 20 წელს აღემატება. ტექნიკურად გაუმართავი ავტომობილები ავტოსაგზაო შემთხვევებისა და ჰაერის დაბინძურების ერთ-ერთი ძირითადი მიზეზია.

    პანკისის ხეობაში მგლები შინაურ ცხოველებს თავს ხშირად ესხმიან. ბოლოს ასეთი შემთხვევა რამდენიმე დღის წინ მოხდა, როდესაც მტაცებლებმა 21 სული ცხვარი სოფელ ხალაწანში გაანადგურეს.

    სოციალური მომსახურების სააგენტოს ბოლო მონაცემებით, პანკისის ხეობაში ფულად სოციალურ დახმარებას 3 ათასზე მეტი ადამიანი იღებს. თუმცა, სახელმწიფო პროგრამის მიღმა ისეთი ოჯახები არიან დარჩენილები, რომლებიც უკიდურეს სიღატაკეში ცხოვრობენ.

    ადგილობრივი თვითმმართველობის საქმიანობაში მოქალაქეთა მონაწილეობა დემოკრატიის ერთ-ერთი მთავარი პრინციპია. ადგილობრივი თვითმმართველობის კოდექსი თვითმმართველობის განხორციელებაში მოქალაქეთა მონაწილეობის ისეთ ფორმებს ითვალისწინებს, როგორიცაა პეტიცია, დასახლების საერთო კრება, სამოქალაქო მრჩეველთა საბჭო, მონაწილეობა მუნიციპალიტეტის საკრებულოს სხდომებში და სხვა.

    პროფესიული განათლება, ბოლო წლების განმავლობაში, არაერთმა პანკისელმა ახალგაზრდამ მიიღო, თუმცა დასაქმება მათთვის დღემდე პრობლემად რჩება. ახალგაზრდები ამბობენ, რომ დამსაქმებლები უპირატესობას უმაღლესი განათლების მქონეებს ანიჭებენ.

    ევროკავშირთან სავიზო რეჟიმის ლიბერალიზაცია საქართველოს მოქალაქეებს შენგენის ზონის ქვეყნებში ვიზის გარეშე, ბიომეტრიული პასპორტით შესვლის საშუალებას მისცემს. ევროკავშირის ქვეყანაში დარჩენა 180-დღიან პერიოდში 90 დღის განმავლობაში იქნება შესაძლებელი, თუმცა ეს რეჟიმი არ შეეხება განათლების მიღების, მუშაობის ან სხვა მიზნით განხორციელებულ გრძელვადიან ვიზიტებს.

    პანკისის ხეობის სოფელ წინუბანში საყოფაცხოვრებო ნარჩენები ქუჩებსა და მდინარე ალაზნის მიმდებარე ტერიტორიაზე იყრება. სოფელში არ დგას სანაგვე ურნები და არც ნარჩენების შეგროვება და გატანა ხდება.

    პანკისის ხეობაში 1999 წლის შემდეგ ჩეჩნეთიდან ჩამოსულ რამდენიმე ათეულ ადამიანს საქართველოს მოქალაქეობა ჯერ კიდევ არ აქვს. მათი ნაწილი რუსეთის მოქალაქეა, ნაწილმა კი რუსულ პასპორტზე უარი თქვა, თუმცა საქართველოს მოქალაქეობა მაინც ვერ მიიღო. საქართველოს მოქალაქეობის არქონის გამო ადგილობრივები სახელმწიფო პროგრამებით ვერ სარგებლობენ.

    ბოლო სამი – ოთხი კვირის განმავლობაში პანკისის ხეობაში საქონლის დაავადება ემკარი გავრცელდა და ადგილობრივების ინფორმაციით, რამდენიმე სული საქონელი დაიხოცა კიდეც. დაავადების გავრცელებამ კიდევ უფრო გაზარდა პროდუქტის უსაფრთხოების რისკები.

    სიახლეები

    პანკისის ხეობაში სასათბურე მეურნეობა შეიქმნა

    სოფლის მეურნეობის მინისტრმა, ლევან დავითაშვილმა, აშშ-ის საერთაშორისო განვითარების სააგენტოს მისიის…

    ინტერვიუ მაყვალა ცისკარიშვილთან, რომელიც პანკისში ქრისტიანულ სალოცავს აშენებდა

    „წმინდა გიორგის ნიში იყო მანდ. დამხვდა დანგრეული. ვთხოვე სიძეს, რომ…

    ახმეტის გამგებლის მამას ავტომობილი მოპარეს

    ახმეტის მუნიციპალიტეტის გამგებლის ბექა ბაიდაურის მამას საცხოვრებელი სახლის ეზოდან ავტომობილი…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    16 100

    Radioway.ge@gmail.com