• weather cur airplane
    ჩემი უფლებები

    4 აპრილის ჩანაწერი (2017 წელი) – 2014 წლის 2 მაისს საქართველოს პარლამენტმა მიიღო კანონი „დისკრიმინაციის ყველა ფორმის აღმოფხვრის შესახებ“, რომელიც 7 მაისს გამოქვეყნდა და მაშინვე შევიდა ძალაში. ამ კანონის თანახმად, საქართველოში აკრძალულია ნებისმიერი სახის დისკრიმინაცია ანდა წაქეზება, იძულება ან ხელშეწყობა ნებისმიერი ფორმის დისკრიმინაციისკენ.

    28 მარტის ჩანაწერი (2017 წელი) – ადმინისტრაციული სამართალდარღვევის ან დანაშაულის შედეგად დაზარალებული პირებისთვის პრიორიტეტი უმეტესად მიყენებული ზიანის ანაზღაურებაა. თუმცა, როგორც წესი, ადმინისტრაციული საქმისწარმოებისა და დანაშაულთა გამოძიების შედეგად ზიანის დაკისრება არ ხდება. მოქალაქეს განუმარტავენ, რომ მას უფლება აქვს სასამართლოს მიმართოს სამოქალაქო სარჩელით.

    21 მარტის ჩანაწერი (2017 წელი) – სასამართლო მედიაციის ინსტიტუტი საქართველოს სამოქალაქო საპროცესო კოდექსში შეტანილ იქნა 2011 წლის 20 დეკემბრიდან, ხოლო 2017 წლის 1 იანვრიდან მოქმედებს იუსტიციის უმაღლესი საბჭოს გადაწყვეტილება, რომელიც მედიაციის პროცესის ადმინისტრირების წესებს განსაზღვრავს.

    14 მარტის ჩანაწერი (2017 წელი) – საპროცესო შეთანხმება არის სისხლის სამართლის საქმეებზე სწრაფი მართლმსაჯულების განხორციელების ფორმა, ვინაიდან პროკურორსა და ბრალდებულს შორის საპროცესო კანონის დაცვით გაფორმებულ შეთანხმებას სასამართლო არსებითი განხილვის გარეშე ამტკიცებს.

    7 მარტის ჩანაწერი (2017 წელი) – სატრანსპორტო საშუალების მართვის უფლების შეზღუდვა შესაძლებელია ასეთი უფლების მქონე პირის მიერ სამართალდარღვევის ჩადენის შემთხვევაში და კანონით პირდაპირ დადგენილ შემთხვევებში. ამ უფლების შეზღუდვა ხორციელდება როგორც ადმინისტრაციული წესით, ისე სისხლის სამართლის კოდექსით გათვალისწინებული დანაშაულის ჩადენის შედეგად.

    28 თებერვლის ჩანაწერი (2017 წელი) – კერძო დავების განხილვა შეჯიბრებითობის პრინციპით წარმოებს - მხარეები ვალდებულნი არიან თვითონ დაამტკიცონ ის ფაქტობრივი გარემოებები, რასაც მათი სარჩელი და შესაგებელი ემყარება. შესაბამისად, მაღალი ხარისხისმტკიცებულებების წარდგენა დავის წარმატებით დასრულების უმნიშვნელოვანესი წინაპირობაა. ხშირ შემთხვევაში მტკიცებულების მოპოვების ოპტიმალურ გზას ფაქტის კონსტატაცია, ანუ მისი დადგენა და დოკუმენტურადდაფიქსირება წარმოადგენს.

    21 თებერვლის ჩანაწერი (2017 წ) – რა მეთოდებით არის აკრძალული ნადირობა? როდის არის დაშვებული ნადირობა გადამფრენ ფრინველებზე? რომელ ადგილებშია აკრძალული ნადირობა? რა დოკუმენტებია საჭირო ნადირობისთვის? რას შეადგენს ზიანის ოდენობა გარეული ცხოველის მოკვლის შემთხვევაში სახეობების მიხედვით? ცხოველთა რომელი სახეობებია შეტანილი „წითელ ნუსხაში“? როგორ ისჯება უკანონო ნადირობა?

    14 თებერვლის ჩანაწერი (2017 წ) - საკუთრების უფლების აღიარება გულისხმობს ფიზიკური პირისათვის სახელმწიფო საკუთრების სასოფლო ან არასასოფლო-სამეურნეო დანიშნულების მიწის ნაკვეთის, მასზე განთავსებული შენობა-ნაგებობით (აშენებული, მშენებარე ან დანგრეული) ან მის გარეშე, კანონითა და საქართველოს მთავრობის 2016 წლის 28 ივლისის №376 დადგენილებით დამტკიცებული წესის შესაბამისად საკუთრებაში გადაცემას სასყიდლიანი ან უსასყიდლო ფორმით.

    7 თებერვლის ჩანაწერი (2017 წ) - საქართველოს კონსტიტუციის თანახმად, გაფიცვის უფლება აღიარებულია და მისი განხორციელების წესი განისაზღვრება კანონით. შრომის კოდექსი არეგულირებს გაფიცვისა და ლოკაუტის უფლების განხორციელების საკითხებს.

    28 იანვრის ჩანაწერი (2017 წ) - რეპრესირებულმა პირებმა ან მათი პირველი რიგის მემკვიდრეებმა ფულადი კომპენსაციის მიღების მოთხოვნით, სასამართლოს სარჩელით 2018 წლის 1-ელ იანვრამდე უნდა მიმართონ.

    21 იანვრის ჩანაწერი (2017 წ) - როდიდან წარმოეშობა დასაქმებულს შვებულების უფლება? რას შეადგენს შვებულების ხანგრძლივობა? ვალდებულია თუ არა დასაქმებული, რომ შვებულებაში გასვლის თაობაზე წინასწარ გააფრთხილოს დამსაქმებელი? შესაძლებელია თუ არა კუთვნილი შვებულების გადატანა სხვა დროისთვის და როგორი წესით? რას ნიშნავს შვებულება ორსულობის, მშობიარობისა და ბავშვის მოვლის გამო?

    14 იანვრის ჩანაწერი (2017 წ) - რა ასაკიდან შეუძლია პირს მუშაობის დაწყება? რამდენს შეიძლება შეადგენდეს სამუშაო დრო საქართველოში დასაქმებული პირებისათვის? რას ნიშნავს ზეგანაკვეთური სამუშაო; ეკისრება თუ არა დასაქმებულს ზეგანაკვეთური სამუშაოს შესრულების ვალდებულება და რა შემთხვევაში? რას ნიშნავს „უქმე დღეები“ და როგორი სამართლებრივი რეჟიმია დაწესებული ასეთ დღეებში მუშაობისათვის? ისჯება თუ არა შრომის უსაფრთხოებასთან დაკავშირებული მოვალეობების შეუსრულებლობა და როგორ?

    27 დეკემბრის ჩანაწერი (2016 წ) - „მაღალმთიანი რეგიონების განვითარების შესახებ“ საქართველოს კანონი და „მაღალმთიანი დასახლების საწარმოს სტატუსის მინიჭების, შეჩერებისა და შეწყვეტის წესის დამტკიცების შესახებ“ საქართველოს მთავრობის 2015 წლის 18 დეკემბრის №633 დადგენილება ითვალისწინებს მაღალმთიან დასახლების საწარმოს სპეციალურ სტატუსს, რომლის საფუძველზეც ამ სტატუსის მქონე სამეწარმეო სუბიექტები თავისუფლდებიან საშემოსავლო, მოგების და ქონების გადასახადით დაბეგვრისაგან.

    20 დეკემბრის ჩანაწერი (2016 წ) – საქართველოს კონსტიტუციის 36-ე მუხლით აღიარებულია, რომ ქორწინება ემყარება მეუღლეთა უფლებრივ თანასწორობასა და ნებაყოფლობას. საქართველოს სამოქალაქო კოდექსის მიხედვით, ქორწინება ოჯახის შექმნის მიზნით ქალისა და მამაკაცის ნებაყოფლობითი კავშირია, რომელიც რეგისტრირებულია საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირის – სამოქალაქო რეესტრის ტერიტორიულ სამსახურში.

    13 დეკემბრის ჩანაწერი (2016 წ) – საქართველოს კონსტიტუცია აღიარებს შრომის თავისუფლებას და, შესაბამისად, ადგენს იძულებითი შრომის აკრძალვას (30-ე მუხლი). ყოველი მოქალაქე თვითონ უნდა წყვეტდეს იმუშაოს თუ არა, თავისუფლად აირჩიოს თუ სად, რომელ იურიდიულ სუბიექტთან გააფორმოს კონტრაქტი.შრომის თავისუფლება ასევე გულისხმობს პირის უფლებას, რომ ნებისმიერ დროს უარი თქვას სამუშაოზე. 

    სიახლეები

    პანკისში სუს–ის თანამშრომელს თავს დაესხნენ

    პანკისის ხეობაში სახელმწიფო უსაფრთხოების სამსახურის თანამშრომელს ვანო ცხადაძეს თავს ტყის…

    ახმეტა – თიანეთის გზის რეაბილიტაცია სექტემბრიდან დაიწყება

    თიანეთი-ახმეტის 30-კილომეტრიანი საავტომობილო გზის რეაბილიტაციის სამუშაოების შესყიდვის მიზნით გამოცხადებულ ტენდერში…

    უფასო სასწავლო კურსები პანკისის სოფლების მცხოვრებლებისთვის

    სამოქალაქო აქტივობების ცენტრი პანკისის ხეობაში აცხადებს მიღებას შემდეგ სასწავლო პროგრამებზე:…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    16 100

    Radioway.ge@gmail.com