• weather cur airplane

    ბათუმში ახალგაზრდა პანკისელი ფოტოგრაფების ნამუშევრები გამოიფინება

    სამშაბათი, 07 ნოემბერი 2017 15:00 view 1340
    ბათუმში ახალგაზრდა პანკისელი ფოტოგრაფების ნამუშევრები გამოიფინება

    გამოფენა, რომელიც პანკისისა და ზემო აჭარის ახალგაზრდა ფოტოგრაფების ნამუშევრებს აერთიანებს, ბათუმში, თანამედროვე ხელოვნების სივრცეში, 10 ნოემბერს გაიხსნება.

    პანკისისა და ღორჯომის ხეობის სოფლებში ფოტოკლუბები 2015-2017 წლებში, ფოტოგრაფ ნათელა გრიგალაშვილის ინიციატივითა და პრეზიდენტის ფონდის მხარდაჭერით შეიქმნა.

    „კლუბების წევრები რამდენიმე თვე წავლობდნენ ფოტოგრაფიას, კამერასთან მუშაობას, გადაღებას, თეორიულ თუ ტექნიკურ დეტალებს. ამ ხნის განმავლობაში მათ ობიექტივში მოექცა მთელი ზემო აჭარა და პანკისის ხეობა - ადამიანები და წეს-ჩვეულებები, ბუნება, გარემო და უამრავი საინტერესო კადრი ყოველდღიური ცხოვრებიდან“, - ნათქვამია გამოფენის ორგანიზატორთა განცხადებაში.

    პროექტის ერთ-ერთი მთავარი იდეა ის არის, რომ კლუბებმა მომავალში დამოუკიდებლად შეძლონ მუშაობა, ძველმა წევრებმა კი ფოტოგადაღება ახალ წევრებს ასწავლონ.

    პანკისელი და ზემო აჭარელი ახალგაზრდა ფოტოგრაფების 50-მდე ნამუშევარი რამდენიმე დღის წინ თბილისში, ფონდ „ღია საზოგადოება - საქართველოს“ საგამოფენო სივრცეში იყო წარმოდგენილი.

    პანკისისა და ზემო აჭარის ფოტოკლუბები სოფლის ფოტოკლუბების იმ პროექტის გაგრძელებაა, რომელიც ნათელა გრიგალაშვილმა პირველად ჯავახეთში, სოფელ გორელოვკაში წამოიწყო.

    ბათუმის თანამედროვე ხელოვნების სივრცეში გამოფენა 17 ნოემბრამდე გაგრძელდება.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    პანკისში უხუცესებისა და ახალგაზრდების ახალი საბჭო შეიქმნა

    პანკისის ხეობაში უხუცესებისა და ახალგაზრდების ახალი საბჭო შეიქმნა, რომელსაც 78…

    დისკუსია პანკისში თემაზე - ანტიდასავლური პროპაგანდა და რუსული გავლენა

    პანკისის სათემო რადიო WAY აღმოსავლეთ-დასავლეთის მართვის ინსტიტუტის მხარდაჭერით, 3 სექტემბერს,…

    სიცოცხლის ბოლო წუთამდე ვიმღერებთ - რაისა და ტაისა, მომღერალი დები პანკისიდან

    „მუსიკა ერთ-ერთი საჩუქარია, რომელიც ღმერთმა ადამიანს აჩუქა. ჩემი სიცოცხლე მუსიკაზეა…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    0 353 22 22 11

    [email protected]