• პანკისში აქცია გაიმართება

    ოთხშაბათი, 04 იანვარი 2017 12:14 view 3915
    პანკისში აქცია გაიმართება

    დღეს, 13:00 საათზე, პანკისში, დუისის კულტურის სახლთან აქცია გაიმართება. აქციის მონაწილეები კულტურის სახლის დაწვის მცდელობის ფაქტის გამოძიებასა და დამნაშავეთა დასჯას მოითხოვენ.

    „აქციაში მონაწილეობას მიიღებენ ადგილობრივები, უხუცესთა საბჭოს წევრები, ცენტრის თანამშრომლები და ის ადამიანები, რომლებიც ჩვენთან სწავლობენ. რეალურად, სერიოზული საფრთხე შეიძლება იყოს მომავალში. ამიტომ, პოლიციამ უნდა მოახდინოს რეაგირება ამ ფაქტზე, რომ ეს იყოს პრევენცია, სხვა, მომდევნო საფრთხეებისა“, - ამბობს კახეთის რეგიონული განვითარების ფონდის ახალგაზრდული პროექტის კოორდინატორი ლუიზა მუთოშვილი.

    „ყველამ ერთად ხმა უნდა ამოვიღოთ და ერთად უნდა მოვითხოვოთ რომ გამოიძიონ და არ აპატიონ დანაშაული ამ სისასტიკის ჩამდენს. ეს ყველა იმ ბავშვის წინააღმდეგ ჩადენილი დანაშაულია, ვინც კი დადის და სწავლობს ცენტრში“, - აღნიშნავს ფონდის წარმომადგენელი ნატა ქავთარაშვილი.

    უცნობმა პირებმა დუისის კულტურის სახლს, სადაც არასამთავრობო ორგანიზაცია კახეთის რეგიონული განვითარების ფონდის ოფისი ფუნქციონირებს, ცეცხლი გუშინ საღამოს წაუკიდეს. ორგანიზაციის დირექტორის იზა ბექაურის განცხადებით, ამ ინციდენტს წინ მუქარები უძღოდა.

    „ბოლო პერიოდში, ნოემბრის მიწურულს, მე მქონდა რაღაც უსიამოვნებები ფეისბუქის საშუალებით. კონკრეტულად ვინ იყვნენ ეს ადამიანები, ნამდვილად არვიცი. ქალთა ძალადობის წინააღმდეგ აქციას შეუერთდა ჩვენი ორგანიზაცია და ამას მოჰყვა ხალხის ნაწილის გაღიზიანება. ფეისბუქით იყო მუქარები, რომ გაეთრიე პანკისიდან, თქვენი საქმიანობა ჩვენთვის მიუღებელია და ა.შ. იმის მერე ჩვენ შევხვდით მაგათ ლიდერებს და მეგონა, რომ ყველაფერი დაწყნარდა, მაგრამ... მე ვფიქრობ, რომ კლუბში ხანძის გაჩენა და გადაწვის მცდელობა, ერთ-ერთი გაფრთხილება იყო ჩემთვის“, – აღნიშნავს იზა ბექაური.

    ამ თემაზე: იზა ბექაური - ხანძრის გაჩენამდე იყო მუქარები, რომ თქვენი არასამთავრობო გაეთრიოს პანკისიდან

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ხვრელების არსებობა რუსეთს ომის გახანგრძლივებაში ეხმარება - ინტერვიუ აშშ-ის ელჩთან

    „სახიფათო ნაბიჯია ურთიერთობების ნორმალიზების მცდელობა იმ ქვეყანასთან, რომელსაც არასოდეს შეუსრულებია…

    ბაზისბანკის მხარდაჭერით, აჭარა აგროჯგუფმა ლურჯი მოცვის ბაღები გააშენა

    ბაზისბანკი, როგორც ბიზნესის ერთ-ერთი უმსხვილესი დამფინანსებელი, აგრძელებს ადგილობრივი ბიზნესის განვითარების…

    ვიბრძოლებთ, რომ საქმე გამოძიებას დაუბრუნდეს - მაჩალიკაშვილი სტრასბურგის გადაწყვეტილებაზე

    „გადაწყვეტილებით ძალიან აღფრთოვანებული თუ არა, კმაყოფილი ვარ, რადგან ის ამბობს,…
  • საგრანტო კონკურსები

    კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]