• პანკისის პოლიციის განყოფილების უფროსად თეიმურაზ არაბული დაინიშნა

    ორშაბათი, 18 დეკემბერი 2017 12:16 view 8764
    პანკისის პოლიციის განყოფილების უფროსად თეიმურაზ არაბული დაინიშნა

    შს ახმეტის რაიონული სამმართველოს დუისის ქვეგანყოფილების უფროსად თეიმურაზ არაბული დაინიშნა. თემურ არაბული დაიბადა 1961 წლის 14 სექტემბერს. 1996 წლიდან 2001 წლის ჩათვლით, პანკისის კრიზისის დროს, ახმეტის პოლიციის უფროსად მუშაობდა. ის კახეთის პოლიციის ყოფილი უფროსის თამაზ თამაზაშვილის ახლო მეგობარია.

    2001 წლიდან 2017 წლამდე თეიმურაზ არაბული ახმეტის პოლიციაში ინსპექტორად მუშაობდა.

    შინაგან საქმეთა სამინისტროს კახეთის პოლიციის დეპარტამენტში არ განმარტეს, რატომ გაათავისუფლეს დუისის პოლიციის ქვეგანყოფილების უფროსის პოზიციიდან ბადრი ფილაშვილი.

    შინაგან საქმეთა მინისტრად გიორგი გახარიას დანიშვნის შემდეგ უწყებაში საკადრო ცვლილებები განხორციელდა. შეიცვალნენ მინისტრის მოადგილეები და სხვადასხვა სამსახურების უფროსები, მათ შორის კახეთის პოლიციის დეპარტამენტის დირექტორიც. ამ თანამდებობაზე გიორგი ბუბუნაური სახელმწიფო უსაფრთხოების სამსახურის წარმომადგენელმა შოთა ჭანუყვაძემ ჩაანაცვლა.

    2012 წელს ჭანუყვაძე მუშაობდა კონტრტერორისტული ცენტრის დირექტორის მოადგილედ. 2012 წლის 13 ივნისს, თბილისში, სწორედ მის მიერ მიწოდებული ინფორმაციის საფუძველზე დააკავეს წარმოშობით დაღესტნელები მიკაილ კადიევი და რიზვან ომაროვი. მოხსენებით ბარათში ჭანუყვაძე წერდა, რომ ინფორმატორისგან მიღებული ინფორმაციით, თბილისში ბოჭორმის ქუჩაზე, ერთ-ერთ სახლში იმყოფებოდნენ მიკაილ კადიევი და რიზვან ომაროვი, რომელთაც ჰქონდათ იარაღი და აფეთქებების მოწყობას აპირებდნენ. კადიევის განცხადებით, საცხოვრებელ ბინაში იარაღი მას ჭანუყვაძემ და მისმა თანამშრომლებმა ჩაუდეს, რის შემდეგაც ითხოვდნენ ეღიარებინათ, რომ იარაღი მათი იყო და შეღავათებს პირდებოდნენ. შს სამინისტრო დაკავებულ კადიევსა და ომაროვს ტერორისტული დანაშაულის მომზადებაში ადანაშაულებდა, საბოლოოდ კი ბრალად მხოლოდ იარაღის მართლსაწინააღმდეგო შეძენა-შენახვა წაუყენეს.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ხვრელების არსებობა რუსეთს ომის გახანგრძლივებაში ეხმარება - ინტერვიუ აშშ-ის ელჩთან

    „სახიფათო ნაბიჯია ურთიერთობების ნორმალიზების მცდელობა იმ ქვეყანასთან, რომელსაც არასოდეს შეუსრულებია…

    ბაზისბანკის მხარდაჭერით, აჭარა აგროჯგუფმა ლურჯი მოცვის ბაღები გააშენა

    ბაზისბანკი, როგორც ბიზნესის ერთ-ერთი უმსხვილესი დამფინანსებელი, აგრძელებს ადგილობრივი ბიზნესის განვითარების…

    ვიბრძოლებთ, რომ საქმე გამოძიებას დაუბრუნდეს - მაჩალიკაშვილი სტრასბურგის გადაწყვეტილებაზე

    „გადაწყვეტილებით ძალიან აღფრთოვანებული თუ არა, კმაყოფილი ვარ, რადგან ის ამბობს,…
  • საგრანტო კონკურსები

    კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]