• weather cur airplane

    მაჩალიკაშვილის საქმე განზრახ მკვლელობის მუხლით უნდა გამოიძიონ - მარიამ კუბლაშვილი

    ხუთშაბათი, 11 იანვარი 2018 14:51 view 1262
    მაჩალიკაშვილის საქმე განზრახ მკვლელობის მუხლით უნდა გამოიძიონ - მარიამ კუბლაშვილი ფოტო: ინტერპრესნიუსი

    ადვოკატი მარიამ კუბლაშვილი თემირლან მაჩალიკაშვილის საქმის გადაკვალიფიცირებას ითხოვს. როგორც მან განაცხადა, პროკურატურამ საქმე უნდა გამოიძიოს არა სამსახურეობრივი უფლებამოსილების ბოროტად გამოყენების მუხლით, არამედ განზრახ მკვლელობის მუხლით.

    "გამოძიება მიმდინარეობს სისხლის სამართლის კოდექსის 333-ე მუხლის მე-3 ნაწილის მიხედვით, რომელიც გულისხმობს სამსახურეობრივი უფლებამოსილების ბოროტად გამოყენებას, იარაღით. თუმცა, ჩვენ შევიტანეთ განცხადება გადაკვალიფიცირების თაობაზე, ვინაიდან არსებული მტკიცებულებების შეფასების საფუძველზე, მოწმეების ჩვენების და ფოტომასალის საფუძველზე არსებობს დასაბუთებული ვარაუდი, რომ ეს არის განზრახ მკვლელობა და არა უბრალოდ სამსახურეობრივი გადაცდომა. დავამტკიცებთ, რომ მაჩალიკაშვილის დაკავების და ამ ოჯახში შემოსვლის საფუძველი საერთოდ არ არსებობდა", - განაცხადა მარიამ კუბლაშვილმა.

    მისივე ინფორმაციით, დაცვის მხარე პროკურატურას თემირლან მაჩალიკაშვილის მშობლისთვის დაზარალებულის სტატუსის მინიჭების განცხადებითაც მიმართავს.

    19 წლის თემირლან მაჩალიკაშვილი სახელმწიფო უსაფრთხოების სამსახურის მიერ პანკისში, 26 დეკემბერს ჩატარებული სპეცოპერაციის დროს თავის არეში დაჭრეს. ორი კვირის განმავლობაში ის კომატოზურ მდგომარეობაში იყო, 10 იანვარს კი გარდაიცვალა.

    სპეცრაზმის მიერ მაჩალიკაშვილის დაჭრასთან დაკავშირებით სახელმწიფო უსაფრთხოების სამსახურში განაცხადეს, რომ ის ხელყუმბარის ამოქმედებას აპირებდა, რის გამოს ესროლეს. გარდაცვლილის ოჯახი ამ ბრალდებას უარყოფს. მშობლების თქმით, თემირლანის ოთახში ხელყუმბარა სამართალდამცავებმა მათი შვილის დაჭრის შემდეგ დადეს.

    პროკურატურამ თემირლან მაჩალიკაშვილის დაჭრის ფაქტზე გამოძიება 27 დეკემბერს, სისხლის სამართლის კოდექსის 333-ე მუხლის მე-3 ნაწილით დაიწყო, რაც ძალადობით სამსახურებრივი უფლებამოსილების შესაძლო გადამეტებას გულისხმობს. ამ დრომდე პროკურატურას გამოძიების შედეგები არ გაუსაჯაროებია.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    გაზრდილი დაპირებები მოსახლეობას - პანკისში მესამე ჰესის მშენებლობაზე თანხმობის სანაცვლოდ

    კომპანია „ალაზანი ენერჯის“ მესაკუთრე ლაშა იორდანიშვილმა, რომელსაც მშენებლობის ნებართვა კი…

    აღკვეთეთ პანკისში დესტრუქციული ძალების თვითნებობა - უხუცესთა კავშირი ხელისუფლებას

    პანკისის უხუცესთა კავშირი, რამდენიმე დღის წინ, ხეობაში მომხდარ დაპირისპირებასთან დაკავშირებით…

    სალაფიტური თემის იმამმა პანკისში კადიროვის მხარდამჭერი ჯგუფის ქმედებები დაგმო

    პანკისის სალაფიტური თემის იმამი, 15 ივნისს, რამადან ბაირამის დღესასწაულის აღნიშვნისას,…
  • პოპულარული

    მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    0 353 22 22 11

    [email protected]