• weather cur airplane

    ჩეჩნეთში ქალაქ შალის რეკონსტრუქცია დასრულდა

    შაბათი, 12 მაისი 2018 17:31 view 799
    ჩეჩნეთში ქალაქ შალის რეკონსტრუქცია დასრულდა

    ჩეჩნეთში, მასშტაბური სარეკოსტრუქციო სამუშაოების შემდეგ, სიდიდით მესამე ქალაქი შალი გახსნეს. ომის დროს, დაბომბვებისა და ცეცხლის შედეგად, ქალაქი თითქმის მთლიანად დაინგრა.  

    სააგენტო „რია ნოვოსტის“ ინფორმაციით, ქალაქის რეკონსტრუქცია 2013 წელს დაიწყო, 2018 წლის 11 მაისს კი ჩეჩნეთის მეთაურმა რამზან კადიროვმა საზეიმოდ გახსნა.

    „ეს მხოლოდ დასაწყისია. შალი უფრო ლამაზი ქალაქი გახდება. განვავითარებთ ინდუსტრიას, სოფლის მეურნეობას, ავაშენებთ ახალ საწარმოებს. მინდა მადლობა გადავუხადო შალის მცხოვრებლებს გაგებისა და სამშენებლო სამუშაოების ორგანიზებისთვის, მიუხედავად იმისა, რომ ბევრს შეექმნა დისკომფორტი და საცხოვრებელი ადგილის შეცვლა მოუხდა. ასეთ ხალხთან ერთად, დარწმუნებული ვარ, ჩვენ ბევრის მიღწევას შევძლებთ“, - ციტირებს „რია ნოვოსტი“ კადიროვის განცხადებას.

    რუსული მედიის ინფორმაციით, შალი თანამედროვე ქალაქად გადაიქცა - ფართო ავტომაგისტრალებით, მაღალი შენობებით, სასტუმროებით, რესტორნებითა და საავადმყოფოთი. თუ მანამდე ყველაზე მაღალი შენობა 3-4-სართულიანი სახლი იყო, ახლა ქალაქში 20-სართულიანი კომპლექსი „შალი სითი“ გაჩნდა.

    გარდა ამისა, ააშენეს 219 და რეაბილიტაცია ჩაუტარეს 800-ზე მეტ კერძო სახლს, ააშენეს თანამედროვე სტანიონი და საბავშვო მოედნები. ქალაქის გახსნაზე ახალგაზრდებს 1000 ველოსიპედი აჩუქეს.

    საბჭოთა კავშირის პერიოდში რაიონული ცენტრი შალი 50 000-ზე მეტი მოსახლით ყველაზე დიდი სოფელი იყო. მან ქალაქის სტატუსი 1990 წელს მიიღო. შალი გროზნოდან 35 კილომეტრშია.

     

     

     

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    პანკისში რაგბი ბრუნდება

    ვეტერანმა ბორჯღალოსნებმა ნონო ანდღულაძემ და ლექსო გუგავამ, ხუთი წლის წინ…

    მატანის კალათბურთელ გოგონათა გუნდი საქართველოს ვიცე-ჩემპიონი გახდა

    ახმეტის რაიონის სოფელ მატანის კალათბურთელ გოგონათა გუნდი 16-წლამდელთა შორის საქართველოს…

    პანკისის სალაფიტური თემის იმამად თემურ ქავთარაშვილი აირჩიეს

    ჯამაათმა პანკისის ხეობის სალაფიტური თემის იმამად, 36 წლის თემურ (აბდულ…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    0 353 22 22 11

    [email protected]