• weather cur airplane

    თემირლან მაჩალიკაშვილის მკვლელების დასჯის მოთხოვნით პანკისში აქცია გაიმართება

    ორშაბათი, 18 ივნისი 2018 18:56 view 1606
    თემირლან მაჩალიკაშვილის მკვლელების დასჯის მოთხოვნით პანკისში აქცია გაიმართება

    პანკისში სპეცოპერაციის დროს მოკლული 19 წლის თემირლან მაჩალიკაშვილის ოჯახი და ადგილობრივი მოსახლეობა, 19 ივნისს, ხეობაში საპროტესტო აქცია გამართავს. აქცია სოფელ დუისის შესასვლელში, იუსტიციის სამინისტროს საზოგადოებრივი ცენტრის შენობასთან გაიმართება.

    როგორც პანკისის სათემო რადიოს მოკლულის დამ, ნატა მაჩალიკაშვილმა უთხრა, აქციაზე თემირლან მაჩალიკაშვილის უდანაშაულობის აღიარებას და დამნაშავეების დასჯას მოითხოვენ.

    19 წლის თემირლან მაჩალიკაშვილი 2017 წლის 26 დეკემბერს, პანკისში ჩატარებული სპეცოპერაციის დროს, სპეცრაზმმა თავში სასიკვდილოდ დაჭრა. სახელმწიფო უსაფრთხოების სამსახური თემირლან მაჩალიკაშვილს და პანკისის ხეობაში მცხოვრებ კიდევ რამდენიმე პირს საერთაშორისო ტერორისტად აღიარებული ახმედ ჩატაევის და მისი ჯგუფის დახმარებაში ადანაშაულებდა, თუმცა, დაჭრილი მაჩალიკაშვილი 2018 წლის 10 იანვარს ისე გარდაიცვალა, რომ მისთვის ბრალი არ წაუყენებიათ.

    პროკურატურა თემირლან მაჩალიკაშვილის სასიკვდილოდ დაჭრის ფაქტზე გამოძიებას სისხლის სამართლის კოდექსის 333-ე მუხლის მე-3 ნაწილით აწარმოებს, რაც ძალადობით სამსახურებრივი უფლებამოსილების შესაძლო გადამეტებას გულისხმობს. სპეცოპერაციიდან თითქმის 6 თვე გავიდა და სისხლის სამართლის პასუხისგებაში არავინ არის მიცემული.

    თემირლან მაჩალიკაშვილის მშობლების თქმით, სპეცოპერაციის დროს შემთხვევის ადგილზე იმყოფებოდა სუს-ის უფროსის პირველი მოადგილე სოსო გოგაშვილი. სახელმწიფო უსაფრთხოების სამსახურის უფროსმა ვახტანგ გომელაურმა ეს ინფორმაცია უარყო.

    თემირლან მაჩალიკაშვილის მშობლებმა სუს-ის მიერ სხვადასხვა დროს გაკეთებული საჯარო განცხადებებით, თემირლანის უდანაშაულობის პრეზუმფციის დარღვევის გამო, სასამართლოსაც მიმართეს მორალური ანაზღაურების მოთხოვნით.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    მაჩალიკაშვილების პროტესტი და ჩაშლილი „პანკისობა“

    სპეცრაზმის მიერ მოკლული 19 წლის თემირლან მაჩალიკაშვილის ოჯახის წევრების და…

    მძღოლი, რომელმაც პანკისში ბავშვებს მანქანა დააჯახა, ახმეტის მერიის თანამშრომელია

    მამაკაცი, რომელმაც დღეს, პანკისის ხეობის სოფელ დუისში, დიდების მემორიალის ტერიტორიაზე,…

    22 სექტემბერს დაგეგმილი „პანკისობა“ შესაძლოა ჩაიშალოს

    22 სექტემბერს, პანკისის ხეობის სოფელ დუისში, ხელისუფლების მიერ დაგეგმილი „პანკისობა…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    0 353 22 22 11

    [email protected]