• სტამბოლში თარხან ბათირაშვილის მეუღლე და ორი შვილი დააკავეს

    პარასკევი, 20 ივლისი 2018 12:30 view 5172
    ფოტო: Daily Sabah ფოტო: Daily Sabah

    თურქული მედიის ინფორმაციით, სტამბოლში, ანტიტერორისტული ოპერაციის ფარგლებში, „ისლამურ სახელმწიფოსთან“ კავშირების გამო, თარხან ბათირაშვილის მეუღლე სედა დუდურკაევა და მისი ორი შვილი დააკავეს.

    თურქული გამოცემა Daily Sabah წერს, რომ სპეცოპერაციის ფარგლებში სულ ხუთი პირია დაკავებული.

    სედა დუდურკაევა ჩეჩნეთში მიგრაციის ფედერალური სამსახურის ყოფილი უფროსის შვილია. ის ჩეჩნეთიდან სირიაში 2013 წელს ჩავიდა და ჰამზათ აჭიშვილის მეუღლე გახდა. ჰამზათ აჭიშვილი „ისლამური სახელმწიფოს“ ლიდერის, წარმოშობით პანკისელი თარხან ბათირაშვილის თარჯიმანი იყო.

    2013 წლის ზაფხულში, ჰამზათ აჭიშვილის გარდაცვალების შემდეგ, სედა დუდურკაევა ცოლად თარხან ბათირაშვილმა შეირთო და მასთან ორი შვილი შეეძინა.

    სედა დუდურკაევას სირიაში გამგზავრების გამო ჩეჩნეთის მეთაურმა რამზან კადიროვმა, სედას მამა ასუ დუდურკაევი მიგრაციის ფედერალური სამსახურიდან გაათავისუფლა.

    დუდურკაევს ჩეჩნეთის ხელისუფლება სთავაზობდა დახმარებას შვილის ჩეჩნეთში დასაბრუნებლად, თუმცა მან განაცხადა, რომ ამ საკითხს დამოუკიდებლად მოაგვარებდა. შვილის დაბრუნების მცდელობები უშედეგოდ დასრულდა.

    თარხან ბათირაშვილი 2016 წლის ზაფხულში მოკლეს.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ხვრელების არსებობა რუსეთს ომის გახანგრძლივებაში ეხმარება - ინტერვიუ აშშ-ის ელჩთან

    „სახიფათო ნაბიჯია ურთიერთობების ნორმალიზების მცდელობა იმ ქვეყანასთან, რომელსაც არასოდეს შეუსრულებია…

    ბაზისბანკის მხარდაჭერით, აჭარა აგროჯგუფმა ლურჯი მოცვის ბაღები გააშენა

    ბაზისბანკი, როგორც ბიზნესის ერთ-ერთი უმსხვილესი დამფინანსებელი, აგრძელებს ადგილობრივი ბიზნესის განვითარების…

    ვიბრძოლებთ, რომ საქმე გამოძიებას დაუბრუნდეს - მაჩალიკაშვილი სტრასბურგის გადაწყვეტილებაზე

    „გადაწყვეტილებით ძალიან აღფრთოვანებული თუ არა, კმაყოფილი ვარ, რადგან ის ამბობს,…
  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]