• weather cur airplane
    სიახლეების თეგების მიხედვით გამოჩენა: სპეცოპერაცია პანკისში

    სახელმწიფო უსაფრთხოების სამსახურმა გაასაჯაროვა ვიდეომასალა და ინფორმაცია, რომლის საფუძველზეც სუს-ის განცხადებით, „დადგენილია“ კავშირები ტერორიზმში ბრალდებული ახმედ ჩატაევის ჯგუფსა და 26 დეკემბერს პანკისის ხეობაში სპეცოპერაციის შედეგად დაკავებულ საქართველოს ხუთ მოქალაქეს შორის, რომლებსაც ბრალად ტერორისტული საქმიანობის ხელშეწყობა ედებათ.

    კატეგორია საზოგადოება

    პანკისში ჩატარებული სპეცოპერაციისას დაჭრილი 19 წლის თემირლან მაჩალიკაშვილის ოჯახი ჯანდაცვის სამინისტროს ცრუ ინფორმაციის მიწოდებაში ადანაშაულებს. როგორც დაჭრილის მამამ, მალხაზ მაჩალიკაშვილმა განაცხადა, ოთხი დღის წინ, გერმანიის დედაქალაქ ბერლინში მდებარე ერთ-ერთმა კლინიკამ საქართველოს ჯანდაცვის სამინისტროს პაციენტის მიღებაზე თანხმობა განუცხადა, თუმცა დაჭრილის ოჯახს მიაწოდეს ინფორმაცია, რომ თავისუფალი ადგილების არარსებობის გამო კლინიკამ თემირლან მაჩალიკაშვილის მიღებაზე უარი თქვა.

    კატეგორია საზოგადოება

    „რა ვიდეომასალებიც იქნა ნაჩვენები, იკვეთებოდა, რომ ამ ადამიანებს ნამდვილად გააჩნდათ ტერორისტული ზრახვები და ჩვენდა სამწუხაროდ, ჩვენი მოქალაქეები იყვნენ კავშირში ჩატაევის ჯგუფთან, რომელიც ტერორისტულ აქტს გეგმავდა საქართველოში“, - განაცხადა კახეთის გუბერნატორმა ირაკლი ქადაგიშვილმა პანკისში გამართული დახურული შეხვედრის დასრულების შემდეგ.

    კატეგორია საზოგადოება

    პანკისის ხეობის „უხუცესთა კავშირი“ ეხმაურება გავრცელებულ ინფორმაციას, ხეობაში ჩატარებულ სპეცოპერაციასთან დაკავშირებით, სახელმწიფო უსაფრთხოების სამსახურის წარმომადგენლებთან შეხვედრის შესახებ. უხუცესთა კავშირის განცხადებას პანკისის სათემო რადიო უცვლელად გთავაზობთ:

    კატეგორია საზოგადოება

    პანკისში სპეცოპერაციისას დაჭრილი 19 წლის თემირლან მაჩალიკაშვილის მამა, მალხაზ მაჩალიკაშვილი გამოეხმაურა პანკისის უხეუცესთა საბჭოს წევრების, სახელმწიფო უსაფრთხოების სამსახურის უფროსის მოადგილეს იოსებ გოგაშვილსა და კახეთის გუბერნატორ ირაკლი ქადაგიშვილის შორის 29 დეკემბერს გამართულ შეხვედრას.

    კატეგორია საზოგადოება

    პანკისის ხეობაში ჩატარებულ სპეცოპერაციასთან დაკავშირებით, სახელმწიფო უსაფრთხოების სამსახურის უფროსის პირველი მოადგილე იოსებ გოგაშვილი და კახეთის გუბერნატორი ირაკლი ქადაგიშვილი პანკისის ხეობის უხუცესთა საბჭოს წევრებს შეხვდნენ. შეხვედრა თელავში, კახეთის პოლიციის დეპარტამენტის შენობაში 29 დეკემბერს შედგა.

    კატეგორია პოლიტიკა

    „პატრიოტთა ალიანსის“ ლიდერი, პარლამენტის წევრი ირმა ინაშვილი დღეს პანკისის ხეობაში, სოფელ ომალოსა და დუისში იმყოფებოდა, სადაც ადგილობრივ მცხოვრებლებს შეხვდა და 26 დეკემბერს ჩატარებული სპეცოპერაციის შესახებ ესაუბრა.

    კატეგორია საზოგადოება
    პარასკევი, 29 დეკემბერი 2017 10:17

    საინფორმაციო გამოშვება - 28.12.2017

    ახალი ამბების გამოშვებას ნაზი დაქიშვილი უძღვება.

    პანკისის ხეობასა და თბილისში ჩატარებული სპეცოპერაციის შედეგად დაკავებულ ზურაბ გორნაკაშვილს, რუსლან ალდამოვს, რამაზ მარგოშვილს და ბადურ ჩოფანაშვილს თბილისის საქალაქო სასამართლომ აღკვეთის ღონისძიების სახით პატიმრობა შეუფარდა. დაცვის მხარე გირაოს შეფარდებას მოითხოვდა, თუმცა მოსამართლემ შუამდგომლობა არ დააკმაყოფილა.

    კატეგორია საზოგადოება

    პანკისში ჩატარებული სპეცოპერაციისას დაჭრილი 19 წლის თემირლან მაჩალიკაშვილი თელავის რეფერალური საავადმყოფოდან თბილისში გადაყავთ. როგორც პანკისის სათემო რადიოს საავადმყოფოს დირექტორმა ხათუნა ჭონიაშვილმა უთხრა, პაციენტს ყოფილი „მიხაილოვის“ საავადმყოფოში მოათავსებენ, სადაც ნეიროქირურგის დაკვირვების ქვეშ იქნება.

    კატეგორია საზოგადოება

    სიახლეები

    პანკისში თემირლან მაჩალიკაშვილის ხსოვნისადმი მიძღვნილი დოღი გაიმართება

    29 აპრილს, პანკისის ხეობაში თემირლან მაჩალიკაშვილის ხსოვნისადმი მიძღვნილი დოღი გაიმართება.…

    იმამი პანკისში მესამე ჰესის მშენებლობაზე შეთანხმების მიღწევას უარყოფს

    პანკისის სალაფიტური თემის იმამი ბექხან ფარეულიძე, ხეობაში მესამე ჰიდროელექტროსადგურის მშენებლობის…

    პანკისში მესამე ჰესის მშენებლობაზე ადგილობრივებთან წინასწარ შეთანხმებას მიაღწიეს

    პანკისის ხეობაში, მდინარე ალაზანზე მესამე ჰიდროელექტროსადგურის (ხადორი 3) მშენებლობის საკითხზე…
  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    0 353 22 22 11

    [email protected]