მთავარი მიზეზი, რის გამოც საკრებულოს წევრებმა ხმის მიცემისგან თავი შეიკავეს, გამგეობის მოხელეებზე საახალწლო პრემიების გასაცემად ბიუჯეტში 53 ათასი ლარის დამატება იყო.

აღსანიშნავია, რომ ახმეტის მუნიციპალიტეტის ბიუჯეტში საპრემიო თანხების დამატების საკითხი საკრებულოს 2016 წლის 7 დეკემბრის მორიგ სხდომაზეც დაისვა, როდესაც გამგებელი საკუთარი თანამშრომლების საახალწლო პრემირებისთვის 73 ათასი ლარის დამატებას ითხოვდა. საკრებულოს წევრების უმეტესობამ ცვლილებებს მხარი არც მაშინ დაუჭირა, თუმცა გამგებელმა საპრემიო თანხის ოდენობა შეამცირა და იგივე საკითხი ხელახლა შეიტანა საკრებულოზე დასამტკიცებლად.

საკრებულოს ოპოზიციონერი წევრების განმარტებით, გამგეობის საჯარო მოსამსახურეთა პრემირებას მხარი ქვეყანაში არსებული სოციალური ვითარებიდან გამომდინარე არ დაუჭირეს.