• weather cur airplane
    ახალი ამბები

    „სახელმწიფო გადაწყვეტს, როგორ უნდა ვიმოქმედოთ. ჰესის მშენებლობისთვის კანონით დადგენილი ყველა პროცედურა ჩვენ გავლილი გვაქვს, საჯარო განხილვებიც გვქონდა და მოსახლეობასთან შეხვედრებიც, მშენებლობის ნებართვაც გვაქვს, მაგრამ დღეს, აგრესიული ფონისა და თანამშრომლების მიმართ მუქარების გამო, შეჩერებული გვაქვს სამუშაოები და ვერ ვახერხებთ ჰესის მშენებლობას. ველოდებით, როგორი გადაწყვეტილება იქნება მიღებული. ჩვენ მზად ვართ მშენებლობის გასაგრძელებლად. გავაგრძელებთ თუ არა, ეს საკითხი კომპანიის კომპეტენციას სცილდება“, - უთხრა პანკისის სათემო რადიო WAY-ს ჰესის მშენებელი კომპანიის, შპს „ალაზანი ენერჯის“ მესაკუთრე ლაშა იორდანიშვილმა.

    „ჰესების მშენებლობის წინააღმდეგ პანკისში აქციის გამართვის შესახებ მე საქმის კურსში არ ვიყავი. პარასკევს, მეჩეთში, ლოცვის დროს, ერთ-ერთმა პირმა თქვა, ბირკიანში შეკრებააო. უხუცესთა კავშირი როცა რაიმე აქციას უერთდება, წევრები საკითხს ვიხილავთ და ისე ვიღებთ გადაწყვეტილებას. ამის დრო კი ფაქტობრივად აღარ იყო“, - უთხრა პანკისის სათემო რადიოს უხუცესთა კავშირის წევრმა ხასო ხანგოშვილმა.

    „აქ ვინც დგას, ხომ წინააღმდეგია მაგ ჰესების მშენებლობის? ყველაზე მთავარი რაც არის, ამდენი ხალხია კანონი. არ გვინდა და მაინც აკეთებენ. შემდეგში ეს ტექნიკა რომ დააზიანოს ხალხმა და ცუდი შედეგები მოჰყვეს, მერე უნდა თქვან, ტერორისტული აქტი მოხდაო. ჩვენ ეს არ გვინდა, ნუ მივიყვანთ აქამდე საქმეს და შევწყვიტოთ სანამ დროა“, - აღნიშნა სოფელ ჯოყოლოში მცხოვრებმა დათო ცისკარიშვილმა პანკისის ხეობაში დღეს გამართულ აქციაზე, რომლის მონაწილეებმაც სოფელ ბირკიანში ახალი ჰესის - „ხადორი 3“-ის სამშენებლო სამუშაოების დაწყება გააპროტესტეს. დღევანდელ აქციას არ ესწრებოდნენ პანკისის უხუცესთა კავშირის ხელმძღვანელები.

    პანკისის ხეობის სალაფიტური თემის იმამი ბექხან ფარეულიძე გადადგა. იმამმა გადადგომის შესახებ განცხადება ჯამაათის დღევანდელ სხდომაზე გააკეთა.

    ახმეტის მუნიციპალიტეტში, პანკისის ხეობის სოფელ ბირკიანში ჰიდროელექტროსადგური „ხადორი 3“-ის მშენებლობის შეჩერების მოთხოვნით ადგილობრივი მოსახლეობა დღეს საპროტესტო აქციას გამართავს. აქცია შუადღის ლოცვის შემდეგ, დაახლოებით 14:30 საათზე ბირკიანში გაიმართება.

    კომპანია „ალაზანი ენერჯის“ მესაკუთრე ლაშა იორდანიშვილმა, რომელსაც მშენებლობის ნებართვა კი აქვს, მაგრამ რამდენიმე თვეა პანკისის ხეობაში მესამე ჰესის მშენებლობას ვერ იწყებს, ადგილობრივი მოსახლეობისგან თანხმობის მისაღებად შეთავაზება გაზარდა.

    სიახლეები

    სიცოცხლის ბოლო წუთამდე ვიმღერებთ - რაისა და ტაისა, მომღერალი დები პანკისიდან

    „მუსიკა ერთ-ერთი საჩუქარია, რომელიც ღმერთმა ადამიანს აჩუქა. ჩემი სიცოცხლე მუსიკაზეა…

    გელა სამხარაული პანკისში ახალგაზრდებთან კიდევ ერთ დახურულ შეხვედრას გამართავს

    ახმეტა-თელავის მაჟორიტარი დეპუტატი გელა სამხარაული, პანკისის ხეობაში, დღეს, 17:00 საათზე,…

    ეს ხელისუფლება ამბობს, რომ ხეობაში ტერორისტები არიან. რატომ? - მალხაზ მაჩალიკაშვილი

    „შევარდნაძის პრეზიდენტობის დროს, შევარდნაძე სულ იძახდა, პანკისის ხეობაში ტერორისტები არ…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    0 353 22 22 11

    [email protected]