ცენტრალური საარჩევნო კომისიის წინასწარი მონაცემებით, ახმეტის მე-18 სარჩევნო ოლქში „ქართული ოცნება – დემოკრატიული საქართველოს“ მერობის კანდიდატმა იოსებ ქარუმაშვილმა გაიმარჯვა, რომელმაც ამომრჩეველთა ხმების  59.41 % (8 523 ხმა) მიიღო. 29 უბნიდან ყველა უბნის შედეგები დათვლილი და გამოქვეყნებულია.

ახმეტის მე-18 საარჩევნო ოლქის 23-ე ჯოყოლოს საარჩევნო უბანზე ორი დარღვევა დაფიქსირდა. არასამთავრობო ორგანიზაცია „ადამიანის უფლებათა ცენტრის“ დამკვირვებლის, თამარ ლუკავას ინფორმაციით, ერთი საარჩევნო სუბიექტიდან უბანზე ორი წარმომადგენელი იმყოფებოდა. დამკვირვებლის შენიშვნის შემდეგ კომისიის თავმჯდომარემ ერთ-ერთ მათგანს საარჩევნო უბანი დაატოვებინა.

დღეს საქართველოში საკრებულოსა და მერების არჩევნები იმართება. ამომრჩეველი 64 საკრებულოს 2 058 წევრს და 64 მერს აირჩევს. ცენტრალური საარჩევნო კომისიის ინფორმაციით, 2017 წლის 21 ოქტომბრის ადგილობრივი თვითმმართველობის არჩევნებისთვის ცესკოში რეგისტრირებულია 22 პოლიტიკური პარტია, 5 საარჩევნო ბლოკი და ერთი საინიციატივო ჯგუფი, ხოლო საოლქო საარჩევნო კომისიების მიერ რეგისტრირებულია 200 საინიციატივო ჯგუფი.

პანკისის ხეობის სოფელ დუისის საჯარო სკოლის XI კლასის მოსწავლე მარიამ მარგოშვილი 2017-2018 სასწავლო წლის "ახმეტის ეტალონი მოსწავლე" გახდა. პროექტ "ეტალონის" ორგანიზებით ინტელექტ-ჩემპიონატი ახმეტაში გაიმართა, სადაც მარიამ მარგოშვილმა 71 ქულა დააგროვა.

2017 წლის 21 ოქტომბერს დანიშნული ადგილობრივი თვითმმართველობის არჩევნებისთვის ახმეტის საოლქო საარჩევნო კომისიაში საკრებულოს პროპორციული სია 9 პოლიტიკურმა პარტიამ წარადგინა. გაგაცნობთ პარტიულ სიებს.