• თელავში, ახმეტაში, ყვარელსა და ლაგოდეხში II ტური ტარდება – ოპოზიცია ბოიკოტს უცხადებს

    შაბათი, 21 ნოემბერი 2020 10:05 view 2094
    თელავში, ახმეტაში, ყვარელსა და ლაგოდეხში II ტური ტარდება – ოპოზიცია ბოიკოტს უცხადებს

    მეათე მაჟორიტარულ საარჩევნო ოლქში, რომელიც თელავის, ახმეტის, ყვარლისა და ლაგოდეხის მუნიციპალიტეტებს აერთიანებს, დღეს საპარლამენტო არჩევნების მეორე ტური იმართება. დილის 8 საათიდან კენჭისყრისთვის 154 საარჩევნო უბანია გახსნილი, მათგან 5 – პანკისის ხეობაში.

    ცენტრალური საარჩევნო კომისიის მიერ დათვლილი შედეგებით, მეორე ტურში „ქართული ოცნებიდან“ ირაკლი ქადაგიშვილი და „ერთიანი ნაციონალური მოძრაობიდან“ გიორგი ბოტკოველი მონაწილეობენ.

    ბოტკოველი მეორე ტურს ბოიკოტს უცხადებს, რადგან მიაჩნია, რომ 31 ოქტომბერს არჩევნები გაყალბდა. გარდა ამისა, „ნაციონალურმა მოძრაობამ“ საუბნო და საარჩევნო კომისიებიდან საკუთარი წარმომადგენლებიც გამოიხმო.

    „დარწმუნებული ვარ, რომ ის 35 600 ამომრჩეველი, რომელმაც მე დამიჭირა მხარი, არ მოელის, რომ 31 ოქტომებერს ჩატარებული აგრესიული არჩევნები, ფაქტობრივად, სპეცოპერაცია ხალხის წინააღმდეგ, რამენაირად „გავუპრავო“ ხელისუფლებას და „ქართულ ოცნებას“. ჩემი არ მონაწილეობა მიმართულია იმისკენ, რომ ხელისუფლებას არ მიეცეს საშუალება, ლეგიტიმაცია მიიღოს“, – განაცხადა ბოტკოველმა პანკისის სათემო რადიოს გადაცემაში „ფოკუსი“.

    რაც შეეხება პირველი ტურის შედეგებს, ცესკოს მონაცემებით, ირაკლი ქადაგიშვილმა ხმების 47.26% მოიპოვა (41 662 ხმა), გიორგი ბოტკოველმა კი – 40.43% (35 645 ხმა).

    მეათე საარჩევნო ოლქში 153 576 ამომრჩეველია. პანკისის ხეობაში გახსნილ 5 საარჩევნო უბანზე ამომრჩეველთა საერთო რაოდენობაა 4843.

     

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ხვრელების არსებობა რუსეთს ომის გახანგრძლივებაში ეხმარება - ინტერვიუ აშშ-ის ელჩთან

    „სახიფათო ნაბიჯია ურთიერთობების ნორმალიზების მცდელობა იმ ქვეყანასთან, რომელსაც არასოდეს შეუსრულებია…

    ბაზისბანკის მხარდაჭერით, აჭარა აგროჯგუფმა ლურჯი მოცვის ბაღები გააშენა

    ბაზისბანკი, როგორც ბიზნესის ერთ-ერთი უმსხვილესი დამფინანსებელი, აგრძელებს ადგილობრივი ბიზნესის განვითარების…

    ვიბრძოლებთ, რომ საქმე გამოძიებას დაუბრუნდეს - მაჩალიკაშვილი სტრასბურგის გადაწყვეტილებაზე

    „გადაწყვეტილებით ძალიან აღფრთოვანებული თუ არა, კმაყოფილი ვარ, რადგან ის ამბობს,…
  • საგრანტო კონკურსები

    კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]