სულეიმან გუმაშვილი სხვადასხვა დროს მუშაობდა პედაგოგად და სკოლის დირექტორად. იყო საქართველოს და ჩეჩნეთის მწერალთა კავშირების წევრი. 

1995 წელს გამოიცა მისი ლექსების კრებული „ჩემო ჩეჩნეთო“ (ჩეჩნურ ენაზე). 2002 წელს დაიბეჭდა მისი მეორე ლექსების კრებული – „ჩემო საქართველო“ (ქართულ ენაზე).

1999-2002 წლებში, პანკისის ხეობაში კრიზისის დროს, უხუცესთა საბჭოს თავმჯდომარე სულეიმან გუმაშვილი ადათ-წესებზე დაყრდნობით კრიმინალებს შეძლებისდაგვარად ხელს უშლიდა დანაშაულებრივ საქმიანობაში. 2003 წელს პრეზიდენტმა ედუარდ შევარდნაძემ პანკისის ხეობაში კრიმინალებთან აქტიური ბრძოლისათვის ის ღირსების ორდენით დააჯილდოვა.

სულეიმან გუმაშვილი სოფელ ჯოყოლოში დაკრძალეს.

პანკისის სათემო რადიო WAY მწუხარებას გამოთქვამს სულეიმან გუმაშვილის გარდაცვალების გამო და სამძიმარს უცხადებს მის ოჯახს, ახლობლებს, ქისტ უხუცესებსა და ხეობის მოსახლეობას.