• weather cur airplane
    სიახლეების თეგების მიხედვით გამოჩენა: პანკისი

    "ჩვენ არ ვეწინააღმდეგებით სახელმწიფო კანონების აღსრულებას. ამას ყოველთვის ვამბობთ კიდეც. ეს რაც მოხდა, იყო ბოლო წლებში წინ გადადგმული პოზიტიური ნაბიჯების შემდეგ, უარყოფითი ქმედება ჩვენი ხეობისთვის. მოსახლეობის პროტესტზე ხალხის სიმრავლეც მიუთითებს", - განუცხადა ჟურნალისტებს პანკისის სალაფიტური იმამის პრესცენტრის წარმომადგენელმა მურაზი გოდერძიშვილმა.

    კატეგორია საზოგადოება
    ოთხშაბათი, 27 დეკემბერი 2017 19:41

    საინფორმაციო გამოშვება - 27.12.2017

    ახალი ამბების გამოშვებას ნაზი დაქიშვილი უძღვება.

    „დღეს ჩვენ ცუდს არავის ვუკეთებთ. ეს ყველაზე მშვიდობიანი ადგილია, მაგრამ ზოგიერთებს სურთ, რომ ჩვენ ვიყოთ საზიანო, ტერორისტები, ექსტრემისტები და ბევრი ცდილობს, რომ ეს იარლიყი მოგვაკეროს. თუ გინდათ, რომ პანკისში ტერორისტები არ იყვნენ, ნუ შექმნით ტერორისტებს. თუ თქვენ არ შექმნით ტერორისტებს, აქ ტერორისტები არ იქნებიან“, - განაცხადა პანკისში დღეს გამართულ საპროტესტო შეკრებაზე ერთ-ერთმა რელიგიურმა ლიდერმა, თეოლოგმა თემურ ქავთარაშვილმა.

    კატეგორია საზოგადოება

    "ამ წუთებში ჩემი შვილი სიკვდილს ებრძვის. მას მძინარეს ესროლეს. მის შუბლში შემავალი ტყვია თავშია გასული და ოთახის კედელი აქვს გახვრეტილი. დღეს მე მეზიზღება საკუთარი თავიც, ხელისუფლებაც და საქართველოც. ერთ-ერთმა გამომსვლელმა აღნიშნა წეღან, "ტერორისტებს ისინი თვითონ ქმნიანო". დიახ, დღეს ჩემი თავი ნამდვილად გამომყავს ტერორისტად იქამდე მიმიყვანეს", - განაცხადა პანკისში ჩატარებული სპეცოპერაციის დროს დაჭრილი 19 წლის თემირლან მაჩალიკაშვილის მამამ, მალხაზ მაჩალიკაშვილმა, რომელიც ხეობაში გამართულ აქციაზე სიტყვით გამოვიდა.

    კატეგორია საზოგადოება

    პანკისში სპეცოპერაციის დროს 19 წლის თემირლან მაჩალიკაშვილის დაჭრის ფაქტზე მთავარმა პროკურატურამ გამოძიება დაიწყო. როგორც პანკისის სათემო რადიოს პროკურატურის საზოგადოებასთან ურთიერთობის დეპარტამენტის უფროსმა ნათია სუხიაშვილმა განუცხადა, გამოძიება სისხლის სამართლის კოდექსის 333-ე მუხლის მე-3 ნაწილით დაიწყო, რაც ძალადობით სამსახურებრივი უფლებამოსილების შესაძლო გადამეტებას გულისხმობს.

    კატეგორია საზოგადოება

    პანკისის უხუცესთა საბჭოს, ქალთა საბჭოს და ხეობაში მოქმედი ადგილობრივი არასამთავრობო ორგანიზაციების წარმომადგენლები, პანკისის მცხოვრებლები ხელისუფლებას მიმართავენ პანკისში ჩატარებულ სპეცოპერაციისთან დაკავშირებული ფაქტების გამოძიება ოპერატიულად და ობიექტურად მოხდეს.

    კატეგორია საზოგადოება

    „ხელისუფლებამ, რომელმაც ვერ მოახერხა აღეკვეთა ან დაუშვა საქართველოში დიდი ოდენობის იარაღით ადამიანების შემოსვლა, გადაადგილება და მთელი ამ პერიოდის განმავლობაში ინფორმაციულ ვაკუუმს ქმნიდა მომხდართან დაკავშირებით, დღეს, ძალის მაქსიმალური დემონსტრირებით პანკისში დაკავებული პირების აყვანის სპეცოპერაციას ატარებს და ახალგაზრდა ბიჭის მიმართ, მისივე საძინებელში ერთი შეხედვით აშკარად არაპროპორციულ ძალას იყენებს“, - აცხადებს ადამიანის უფლებების სწავლებისა და მონიტორინგის ცენტრის თანასწორობის პოლიტიკის პროგრამის დირექტორი თამთა მიქელაძე, 26 დეკემბერს, პანკისის ხეობაში ჩატარებულ სპეცოპერაციასთან დაკავშირებით.

    კატეგორია საზოგადოება

    პანკისის ხეობისთვის მნიშვნელოვან საკითხებზე, მათ შორის ხეობაში ჩატარებულ სპეცოპერაციასთან დაკავშირებით, ადგილობრივი მცხოვრებლები 27 დეკემბერს სხვადასხვა აქტივობებს გეგმავენ.

    კატეგორია საზოგადოება

    სამ საათზე მეტხანს გაგრძელდა თელავის რეფერალურ საავადმყოფოში პანკისში სპეცოპერაციის დროს დაჭრილი 19 წლის თემირლან მაჩალიკაშვილის ოპერაცია. მაჩალიკაშვილს თავის არეში შემავალი ჭრილობა აქვს. ოპერაცია თბილისიდან მოწვეულმა ნეიროქირურგებმა ჩაატარეს. ექიმების თქმით, პაციენტის ჯანმრთელობის მდგომარეობა მძიმეა. თემირლან მაჩალიკაშვილი რეანიმაციაშია მოთავსებული.

    კატეგორია საზოგადოება

    პანკისის ხეობაში ჩატარებული სპეცოპერაციის დროს, სპეცრაზმელების მიერ დაჭრილი 19 წლის თემირლან მაჩალიკაშვილის ოჯახი უარყოფს სახელმწიფო უსაფრთხოების სამსახურის მიერ გავრცელებულ ინფორმაციას იმასთან დაკავშირებით, რომ ბიჭმა სამართალდამცავებს წინააღმდეგობა გაუწია და ხელყუმბარის ამოქმედებას ცდილობდა.

    კატეგორია საზოგადოება

    სიახლეები

    პანკისში ტყის მცველებმა წითელ ნუსხაში შეტანილი არჩვი მოკლეს

    პანკისის ხეობაში, ხადორის ჰიდროელექტროსადგურის მიმდებარე ტერიტორიაზე, ეროვნული სატყეო სააგენტოს ტყის…

    სირიაში პანკისელების ოჯახის, მათ შორის 8 წლის ბავშვის დაღუპვა დადასტურდა

    ოჯახის წევრებმა სირიაში 34 წლის აღაზა ბორჩაშვილის, მისი მეუღლის, 36…

    ფინკა ბანკი ლარში განთავსებულ დეპოზიტებზე ყველაზე მაღალი საპროცენტო სარგებლის შეთავაზებას აგრძელებს

    ფინკა ბანკი 20 წლის იუბილესთან დაკავშირებით მომხმარებლებისთვის საინტერესო აქციების შეთავაზებას…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    0 353 22 22 11

    [email protected]