• weather cur airplane

    ილტოს ხეობაში წყალსაცავის მშენებლობა დაიწყება

    სამშაბათი, 31 ოქტომბერი 2017 17:12 view 2145
    ილტოს ხეობაში წყალსაცავის მშენებლობა დაიწყება

    ახმეტის რაიონში, ილტოს ხეობის სოფელ ჭართალაში 118 მეტრი სიმაღლის და დაახლოებით 200 ჰექტარი ფართობის წყალსაცავი აშენდება. მშენებლობის წინა საპროექტო სამუშაოებისთვის ნახევარ მილიონზე მეტი ლარი უკვე გამოყოფილია, რომელზეც ტენდერი უახლოეს პერიოდში გამოცხდდება.

    მომდევნო ეტაპი გარემოზე ზემოქმედების შეფასებისა და ტექნიკურ-ეკონომიკური გეგმის საფუძველზე პროექტის შედგენას ითვალისწინებს.

    ახმეტის მაჟორიტარმა დეპუტატმა გელა სამხარაულმა წყალსაცავის აშენებას საუკუნის პროექტი უწოდა და განაცხადა, რომ პროექტის განხორციელება პირდაპირ კავშირშია ილტოს ხეობის სოფლების მოსახლეობის სოციალურ-ეკონომიკური მდგომარეობის გაუმჯობესებასთან.

    „წყალსაცავის ფუნქციონირება წყლით მომარაგების, ფართობების გასარწყავიანების და ენერგეტიკულ პროცესებს არეგულირებს, რასაც თავისთავად სასიცოხლო მნიშვნელობა აქვს ნებისმიერი დარგის განვითარებისთვის და მეორე, არანაკლებ მნიშვნელოვანია ილტოს ხეობაში ტურისტულ-რეკრეაციული ზონის და სამუშაო ადგილების შექმნა. ეს საუკუნის პროექტია, რომელიც ჩვენი ერთ-ერთი წინასაარჩევნო დაპირება იყო და მთელი კახეთისთვის მეტად მნიშვნელოვანია“, - განაცხადა გელა სამხარაულმა.

    ილტოს ხეობაში კომუნისტების დროინდელი წყალსაცავის აღდგენა გასულ წელს დაანონსდა. ახმეტის მუნიციპალიტეტის საკრებულოს იმ დროს მოქმედი თავმჯდომარე გელა ჯუღაშვილი აცხადებდა, რომ პროექტის ფარგლებში მცირე ჰესის მოწყობა იგეგმება, რომელიც ხეობაში წყლის ყველაზე მცირე დებეტის დროსაც კი 13,6 მეგავატი ელექტროენერგიის გამომუშავებას შეძლებს.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    გაზრდილი დაპირებები მოსახლეობას - პანკისში მესამე ჰესის მშენებლობაზე თანხმობის სანაცვლოდ

    კომპანია „ალაზანი ენერჯის“ მესაკუთრე ლაშა იორდანიშვილმა, რომელსაც მშენებლობის ნებართვა კი…

    აღკვეთეთ პანკისში დესტრუქციული ძალების თვითნებობა - უხუცესთა კავშირი ხელისუფლებას

    პანკისის უხუცესთა კავშირი, რამდენიმე დღის წინ, ხეობაში მომხდარ დაპირისპირებასთან დაკავშირებით…

    სალაფიტური თემის იმამმა პანკისში კადიროვის მხარდამჭერი ჯგუფის ქმედებები დაგმო

    პანკისის სალაფიტური თემის იმამი, 15 ივნისს, რამადან ბაირამის დღესასწაულის აღნიშვნისას,…
  • პოპულარული

    მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    0 353 22 22 11

    [email protected]