• weather cur airplane
    ჩემი უფლებები

    24 ოქტომბრის ჩანაწერი (2017 წელი) ადამიანის სიცოცხლის დაცვა ნებისმიერი სახელმწიფოს უპირველესი მოვალეობაა. საქართველოს კონსტიტუციის მე-15 მუხლის მიხედვით, „სიცოცხლე ადამიანის ხელშეუვალი უფლებაა და მას იცავს კანონი“. სიცოცხლის უფლება უმნიშვნელოვანესია იმ თვალსაზრისითაც, რომ სწორედ იგი განაპირობებს სხვა უფლებებით სარგებლობას.

    17 ოქტომბრის ჩანაწერი (2017 წელი) – მოწმე არის პირი, რომელმაც შეიძლება იცოდეს სისხლის სამართლის საქმის გარემოებათა დასადგენად საჭირო მონაცემები. პირი მოწმის სტატუსსა და უფლება-მოვალეობებს იძენს სისხლისსამართლებრივი პასუხისმგებლობის თაობაზე გაფრთხილებისა და ფიცის დადების შემდეგ. შესაძლებელია სასამართლოში მოწმის იძულებით მიყვანაც.

    10 ოქტომბრის ჩანაწერი (2017 წელი) – კონსტიტუცია ადგენს, რომ ყოველ ადამიანს აქვს სიტყვის და აზრის თავისუფლება. ეს უფლება არ არის აბსოლუტური და მისი შეზღუდვა დასაშვებია მხოლოდ იმ შემთხვევაში, თუკი იგი  სხვათა უფლებებს ლახავს.

    3 ოქტომბრის ჩანაწერი (2017 წელი)ადმინისტრაციული პატიმრობა ადმინისტრაციული სახდელებს შორის ყველაზე მკაცრი ღონისძიებაა. იგი გამოიყენება კანონით პირდაპირ გათვალისწინებულ შემთხვევებში და მხოლოდ სასამართლოს გადაწყვეტილების საფუძველზე. მოქმედი კანონმდებლობით ადმინისტრაციული პატიმრობა გათვალისწინებულია დაახლოებით 20-მდე სახის გადაცდომის ჩადენისათვის.

    26 სექტემბრის ჩანაწერი (2017 წელი) – საქართველოს კონსტიტუციით აღიარებულია, რომ ქორწინება ემყარება მეუღლეთა უფლებრივ თანასწორობასა და ნებაყოფლობას. იძულებითი ქორწინება ეწინააღმდეგება ადამიანის უფლებათა საყოველთაო დეკლარაციას, რომლის მიხედვითაც, „ყოველ სრულწლოვან მამაკაცსა და ქალს, რასის, ეროვნების ან რელიგიის ნიშნით ან რაიმე შეზღუდვის გარეშე, უფლება აქვს დაქორწინდეს და შექმნას ოჯახი. დაქორწინება შესაძლებელია მხოლოდ ორივე დასაქორწინებელი მხარის თავისუფალი თანხმობის პირობებში“.

    19 სექტემბრის ჩანაწერი (2017 წელი) – ცივი იარაღის ტარება კანონით აკრძალულია და მისთვის ადმინისტრაციული და სისხლის სამართლებრივი პასუხისმგებლობაა გათვალისწინებული.

    12 სექტემბრის ჩანაწერი (2017 წელი) – რას ნიშნავს გადაადგილების თავისუფლება, როგორც ადამიანის ძირითადი კონსტიტუციური უფლება? დღეისათვის რომელ სახელმწიფოებთან აქვს საქართველოს უვიზო მიმოსვლის რეჟიმი და რას გულისხმობს იგი? როგორია ამ ქვეყნებში გამგზავრების პროცედურა? რა სახის კითხვები შეიძლება დაუსვან მოქალაქეებს ევროკავშირის ამა თუ იმ ქვეყნის ტერიტორიაზე შესვლისას სასაზღვრო სამსახურის წარმომადგენლებმა და რა საბუთების მოთხოვნის უფლება აქვთ მათ? რა პირობები უნდა შეასრულოს მოქალაქემ, რომ არ დაარღვიოს უვიზო რეჟიმი? რა დროის განმავლობაში შეგვიძლია შენგენის ზონის ქვეყნებში ვიზის გარეშე ყოფნა? რა სანქციები შეიძლება დაგვეკისროს, თუ დავარღვევთ შენგენის ქვეყნების ტერიტორიაზე შესვლისა და ყოფნის წესებს?

    11 აპრილის ჩანაწერი (2017 წელი) – სამოქალაქო კოდექსის თანახმად, მეუღლეთა მიერ ქორწინების განმავლობაში შეძენილი ქონება წარმოადგენს მათ საერთო ქონებას, - ე.ი. თანასაკუთრებას, თუ მათ შორის საქორწინო ხელშეკრულებით სხვა რამ არ არის დადგენილი.

    4 აპრილის ჩანაწერი (2017 წელი) – 2014 წლის 2 მაისს საქართველოს პარლამენტმა მიიღო კანონი „დისკრიმინაციის ყველა ფორმის აღმოფხვრის შესახებ“, რომელიც 7 მაისს გამოქვეყნდა და მაშინვე შევიდა ძალაში. ამ კანონის თანახმად, საქართველოში აკრძალულია ნებისმიერი სახის დისკრიმინაცია ანდა წაქეზება, იძულება ან ხელშეწყობა ნებისმიერი ფორმის დისკრიმინაციისკენ.

    28 მარტის ჩანაწერი (2017 წელი) – ადმინისტრაციული სამართალდარღვევის ან დანაშაულის შედეგად დაზარალებული პირებისთვის პრიორიტეტი უმეტესად მიყენებული ზიანის ანაზღაურებაა. თუმცა, როგორც წესი, ადმინისტრაციული საქმისწარმოებისა და დანაშაულთა გამოძიების შედეგად ზიანის დაკისრება არ ხდება. მოქალაქეს განუმარტავენ, რომ მას უფლება აქვს სასამართლოს მიმართოს სამოქალაქო სარჩელით.

    21 მარტის ჩანაწერი (2017 წელი) – სასამართლო მედიაციის ინსტიტუტი საქართველოს სამოქალაქო საპროცესო კოდექსში შეტანილ იქნა 2011 წლის 20 დეკემბრიდან, ხოლო 2017 წლის 1 იანვრიდან მოქმედებს იუსტიციის უმაღლესი საბჭოს გადაწყვეტილება, რომელიც მედიაციის პროცესის ადმინისტრირების წესებს განსაზღვრავს.

    14 მარტის ჩანაწერი (2017 წელი) – საპროცესო შეთანხმება არის სისხლის სამართლის საქმეებზე სწრაფი მართლმსაჯულების განხორციელების ფორმა, ვინაიდან პროკურორსა და ბრალდებულს შორის საპროცესო კანონის დაცვით გაფორმებულ შეთანხმებას სასამართლო არსებითი განხილვის გარეშე ამტკიცებს.

    7 მარტის ჩანაწერი (2017 წელი) – სატრანსპორტო საშუალების მართვის უფლების შეზღუდვა შესაძლებელია ასეთი უფლების მქონე პირის მიერ სამართალდარღვევის ჩადენის შემთხვევაში და კანონით პირდაპირ დადგენილ შემთხვევებში. ამ უფლების შეზღუდვა ხორციელდება როგორც ადმინისტრაციული წესით, ისე სისხლის სამართლის კოდექსით გათვალისწინებული დანაშაულის ჩადენის შედეგად.

    28 თებერვლის ჩანაწერი (2017 წელი) – კერძო დავების განხილვა შეჯიბრებითობის პრინციპით წარმოებს - მხარეები ვალდებულნი არიან თვითონ დაამტკიცონ ის ფაქტობრივი გარემოებები, რასაც მათი სარჩელი და შესაგებელი ემყარება. შესაბამისად, მაღალი ხარისხისმტკიცებულებების წარდგენა დავის წარმატებით დასრულების უმნიშვნელოვანესი წინაპირობაა. ხშირ შემთხვევაში მტკიცებულების მოპოვების ოპტიმალურ გზას ფაქტის კონსტატაცია, ანუ მისი დადგენა და დოკუმენტურადდაფიქსირება წარმოადგენს.

    21 თებერვლის ჩანაწერი (2017 წ) – რა მეთოდებით არის აკრძალული ნადირობა? როდის არის დაშვებული ნადირობა გადამფრენ ფრინველებზე? რომელ ადგილებშია აკრძალული ნადირობა? რა დოკუმენტებია საჭირო ნადირობისთვის? რას შეადგენს ზიანის ოდენობა გარეული ცხოველის მოკვლის შემთხვევაში სახეობების მიხედვით? ცხოველთა რომელი სახეობებია შეტანილი „წითელ ნუსხაში“? როგორ ისჯება უკანონო ნადირობა?

    სიახლეები

    მალხაზ მაჩალიკაშვილი ვახტანგ გომელაურთან შეხვედრას ითხოვს

    პანკისში ჩატარებული სპეცოპერაციის დროს სასიკვდილოდ დაჭრილი თემირლან მაჩალიკაშვილის მამა, მალხაზ…

    შალვა ნათელაშვილი მაჩალიკაშვილის საქმის გამო გომელაურის გადადგომას ითხოვს

    „ლეიბორისტული პარტიის“ ლიდერი შალვა ნათელაშვილი პანკისის ხეობაში ჩატარებული სპეცოპერაციის შედეგად…

    სუს-ში პანკისის ხეობიდან დაბარებული სამი ახალგაზრდის დაკითხვა დასრულდა

    სახელმწიფო უსაფრთხოების სამსახურში, ახმედ ჩატაევის საქმესთან დაკავშირებით პანკისის ხეობიდან მოწმის…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    16 100

    [email protected]