• weather cur airplane

    მწერალთა სახლში მიხეილ ღანიშაშვილის ახალი წიგნის პრეზენტაცია გაიმართება

    ორშაბათი, 12 თებერვალი 2018 23:09 view 637
    ფოტოზე მიხეილ ღანიშაშვილი ფოტოზე მიხეილ ღანიშაშვილი

    16 თებერვალს, საქართველოს მწერალთა სახლში, პოეტ მიხეილ ღანიშაშვილის, იგივე „ილტოსპირელის“ ახალი წიგნის - „ყველაზე დიდი გული“ პრეზენტაცია გაიმართება. წიგნი პოეტის პირველი პროზაული კრებულია, რომელიც მკითხველთა ფინანსური შემოწირულობით 2017 წელს დაიბეჭდა. ღონისძიება 18:30 საათზე დაიწყება.

    წიგნში შესული მხატვრული ნაწარმოებები სხვადასხვა ციკლებად არის დალაგებული: ნოველები - „დედაჩემის ვახშმის შემდგომი საუბრები“; ჩანახატები - „ბებოჩემი და იმისი საციქველ-ჯამ-ჭურჭელი“ (ფოლკლორულ-ეთნოგრაფიული ესკიზები); მოგონებანი - „ჩემი მოსწავლეობის ხანა“ (ახმეტის II საშუალო სკოლა, სასწავლო პროცესი, პედაგოგები, არდადეგები); ნარკვევები - „აღმოსავლური დღიურები“ (თურქეთსა და სპარსეთში მოგზაურობის შთაბეჭდილებანი); მოთხრობები - „სხვადასხვანი“ (მხატვრული და დოკუმენტური ამბები); ეპილოგი - ილტოსპირელის ბიოგრაფიული შტრიხები.

    „წიგნი მკითხველს უაღრესად საინტერესო, ლამაზ, სიკეთითა და სიყვარულით გაჯერებულ სამყაროში მოგზაურობას პირდება“, - ამბობს პოეტი.

    მიხეილ ღანიშაშვილი ახმეტის მუნიციპალიტეტში, ილტოს ხეობის სოფელ ჭართალაში ცხოვრობს. გამოცემული აქვს რამდენიმე პოეტური კრებული, მათ შორის „ორი ნაპირი“ (სევარიონ ნადირაძესთან ერთად), „ერთი ლირიკული პოემა და ცამეტი ლექსი“, „ბედისწერის ქიმზე“, „იჩქერია“ (ქართულ-რუსულ-ჩეჩნურ ენებზე), „აცამაზი“ (ოსური პოემა), „კავკასიური პოემები“, „გოგია ჭიჭოშვილის ეპოსი“, „სულის ყვავილები“. მისი ნაწარმოებები სხვადასხვა დროს თარგმნილია ინგლისურ, გერმანულ, ფრანგულ, იტალიურ, პოლონურ, შვედურ, რუსულ და ჩეჩნურ ენებზე.

    2015 წლიდან, ილტოს ხეობის პოპულარიზაციის და ხეობაში ტურიზმის განვითარების მიზნით, მიხეილ ღანიშაშვილის ინიციატივით, სოფელ ჭართალაში ყოველწლიურად ლექსობა-კაფიაობის ფესტივალი „ღანიშობა“ იმართება.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    გაზრდილი დაპირებები მოსახლეობას - პანკისში მესამე ჰესის მშენებლობაზე თანხმობის სანაცვლოდ

    კომპანია „ალაზანი ენერჯის“ მესაკუთრე ლაშა იორდანიშვილმა, რომელსაც მშენებლობის ნებართვა კი…

    აღკვეთეთ პანკისში დესტრუქციული ძალების თვითნებობა - უხუცესთა კავშირი ხელისუფლებას

    პანკისის უხუცესთა კავშირი, რამდენიმე დღის წინ, ხეობაში მომხდარ დაპირისპირებასთან დაკავშირებით…

    სალაფიტური თემის იმამმა პანკისში კადიროვის მხარდამჭერი ჯგუფის ქმედებები დაგმო

    პანკისის სალაფიტური თემის იმამი, 15 ივნისს, რამადან ბაირამის დღესასწაულის აღნიშვნისას,…
  • პოპულარული

    მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    0 353 22 22 11

    [email protected]