• weather cur airplane

    პუტინმა პირობა დადო რომ ჩეჩნეთში გეების დევნასთან დაკავშირებით გამოძიებას მხარს დაუჭერს

    პარასკევი, 05 მაისი 2017 20:55 view 832
    პუტინმა პირობა დადო რომ ჩეჩნეთში გეების დევნასთან დაკავშირებით გამოძიებას მხარს დაუჭერს

    რუსეთის პრეზიდენტმა ვლადიმერ პუტინმა პირობა დადო, რომ მხარს დაუჭერს ჩეჩნეთში გეების უფლებების შესაძლო დარღვევასთან დაკავშირებით დაწყებულ გამოძიებას და ამ საკითხზე მთავარ პროკურორსა და შინაგან საქმეთა მინისტრს დაელაპარაკება.

    ეს პირველი შემთხვევაა, როდესაც რუსეთის პრეზიდენტი ჩეჩნეთში ჰომოსექსუალების უფლებრივ მდგომარეობას გამოეხმაურა. მედიაში გავრცელებული ინფორმაციით, ჩეჩნეთში გეებს იტაცებენ, აწამებენ და კლავენ.

    აპრილის დასაწყისში გამოცემამ "ნოვაია გაზეტა" გამოაქვეყნა ჟურნალისტური გამოძება, სადაც აღნიშნული იყო, რომ ჩეჩნეთში ბოლო თვეების განმავლობაში დააკავეს ასზე მეტი ადამიანი, რომლებიც ჰომოსექსუალურ ურთიერთობებში იყვნენ ეჭვმიტანილები. გამოცემის ინფორმაციით, მოკლულია სულ მცირე სამი მამაკაცი.

    19 აპრილს, რუსეთის პრეზიდენტთან შეხვედრისას ჩეჩნეთის მეთაურმა რამზან კადიროვმა აღნიშნა, რომ რეგიონში მოქალაქეების გატაცებისა და მკვლელობის შესახებ გავრცელებული ინფორმაცია სიმართლეს არ შეესაბამება.

    მედიაში გამოქყვეყნებული ცნობების შემოწმება ჩეჩნეთის პროკურატურას დაევალა. მოგვიანებით, საქმეში საგამოძიებო კომიტეტიც ჩაერთო, რომელმაც მანამდე განაცხადა, რომ არატრადიციული სექსუალური ორიენტაციის ადამიანების დევნის შესახებ ცნობები არ აქვთ.

    ჩეჩნეთში გეების უფლებების დარღვევის გამოძიებისკენ რუსეთს საერთაშორისო ორგანიზაციებმა და პოლიტიკოსებმაც მოუწოდეს.

     

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    მალხაზ მაჩალიკაშვილი ვახტანგ გომელაურთან შეხვედრას ითხოვს

    პანკისში ჩატარებული სპეცოპერაციის დროს სასიკვდილოდ დაჭრილი თემირლან მაჩალიკაშვილის მამა, მალხაზ…

    შალვა ნათელაშვილი მაჩალიკაშვილის საქმის გამო გომელაურის გადადგომას ითხოვს

    „ლეიბორისტული პარტიის“ ლიდერი შალვა ნათელაშვილი პანკისის ხეობაში ჩატარებული სპეცოპერაციის შედეგად…

    სუს-ში პანკისის ხეობიდან დაბარებული სამი ახალგაზრდის დაკითხვა დასრულდა

    სახელმწიფო უსაფრთხოების სამსახურში, ახმედ ჩატაევის საქმესთან დაკავშირებით პანკისის ხეობიდან მოწმის…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    16 100

    [email protected]