• weather cur airplane

    ახმეტის გამგებლის უცხოეთში ვიზიტებზე მეტი დაიხარჯა, ვიდრე ობოლ და შშმ ბავშვებზე 1 წელიწადში

    ოთხშაბათი, 30 აგვისტო 2017 17:26 view 2569
    ახმეტის გამგებლის უცხოეთში ვიზიტებზე მეტი დაიხარჯა, ვიდრე ობოლ და შშმ ბავშვებზე 1 წელიწადში

    ახმეტის გამგებლის ბექა ბაიდაურის ამერიკის შეერთებულ შტატებში და ავსტრიაში ვიზიტებზე 6 022 ლარი დაიხარჯა, რაც აღემატება უდედმამო და შეზღუდული შესაძლებლობების მქონე ბავშვების დასახმარებლად ბიუჯეტიდან მთელი წლის განმავლობაში გამოყოფილ თანხებს.

    ახმეტის გამგებელი ბექა ბაიდაური, 2017 წლის 18 მაისიდან 26 მაისის ჩათვლით პერიოდში, მივლინებით იმყოფებოდა ამერიკის შეერთებულ შტატებში. გამგეობიდან მოწოდებული ინფორმაციით, ვიზიტის მიზანს აშშ-ისა და კანადის ფინანსისტთა სამთავრობო ასოციაციის ყრილობაზე დასწრება წარმოადგენდა. მასში ბიუჯეტიდან 4 930 ლარი დაიხარჯა. გარდა ამისა, მიმდინარე წლის იანვარში, ახმეტის გამგებელი ერთკვირიანი მივლინებით იმყოფებოდა ავსტრიაშიც, სამივლინებო ხარჯებმა კი 1 092 ლარი შეადგინა. 

    ახმეტის მუნიციპალიტეტის ბიუჯეტიდან დაფინანსებული სოციალური დახმარების პროგრამით40 შეზღუდული შესაძლებლობების მქონე ბავშვის დასახმარებლად ერთი წლის განმავლობაში სულ გამოყოფილია 4 000 ლარი, 15 უდედმამო ბავშვისთვის კი 1 500 ლარი. წელიწადში მხოლოდ 3000 ლარია გამოყოფილი მაღალმთიან თუშეთში მუდმივად მცხოვრები პირებისთვის, 2 000 ლარი - საქართველოს ტერიტორიული მთლიანობისათვის ბრძოლაში დაღუპულთა ოჯახებისთვის, 1 000 ლარი - მეორე მსოფლიო ომის ვეტერანებისთვის.

    საინფორმაციო ცენტრების ქსელი წერდა, რომ საზღვარგარეთ ვიზიტების მიხედვით, ახმეტის გამგებელი თვითმმართველობის თანამდებობის პირთა შორის საქართველოს მასშტაბით „დამაჯერებლად ლიდერობს“. თანამდებობაზე ყოფნის პერიოდში მან იმოგზაურა და დაისვენა: აშშ-ში, დიდ ბრიტანეთში, საფრანგეთში, იტალიაში, საბერძნეთში, ისრაელში, ავსტრიაში, ჩეხეთში, პოლონეთში, მოლდოვაში, ლატვიაში, ლიტვაში და სხვა. აქედან, ზოგიერთ ქვეყანაში იგი რამდენჯერმე იმყოფებოდა.

    გამგებლის უცხოეთში მოგზაურობების აბსოლუტური უმრავლესობა ბიუჯეტიდან დაფინანსდა, დახარჯული თანხა კი ათეულობით ათასი ლარია. გამგებლის არცერთ ვიზიტს მუნიციპალიტეტისთვის რაიმე კონკრეტული შედეგი არ მოუტანია.

    შეგახსენებთ, „რეგინფოს“ მიერ გავრცელებული ინფორმაციით, აშშ-ში გამგზავრების წინ, ბექა ბაიდაურმა ახმეტის ცენტრში არსებული სასმელი წყლის ყველა წერტილი და ერთადერთი შადრევანი ბიუჯეტის დაზოგვის მოტივით გააუქმებინა. გაუქმებული წყლები მხოლოდ პარლამენტის მაჟორიტარი დეპუტატის გელა სამხარაულის ჩარევის შემდეგ აღადგინეს.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    მალხაზ მაჩალიკაშვილი ვახტანგ გომელაურთან შეხვედრას ითხოვს

    პანკისში ჩატარებული სპეცოპერაციის დროს სასიკვდილოდ დაჭრილი თემირლან მაჩალიკაშვილის მამა, მალხაზ…

    შალვა ნათელაშვილი მაჩალიკაშვილის საქმის გამო გომელაურის გადადგომას ითხოვს

    „ლეიბორისტული პარტიის“ ლიდერი შალვა ნათელაშვილი პანკისის ხეობაში ჩატარებული სპეცოპერაციის შედეგად…

    სუს-ში პანკისის ხეობიდან დაბარებული სამი ახალგაზრდის დაკითხვა დასრულდა

    სახელმწიფო უსაფრთხოების სამსახურში, ახმედ ჩატაევის საქმესთან დაკავშირებით პანკისის ხეობიდან მოწმის…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    16 100

    [email protected]