ნამახვანჰესის წინააღმდეგ და რიონის ხეობის მცველების მოთხოვნების მხარდასაჭერად პანკისის ხეობაში გუშინ გამართული აქციის ორგანიზატორს თემურ ცათიაშვილს სიცოცხლის მოსპობით დაემუქრნენ. ამ ინფორმაციას თემურ ცათიაშვილის შვილი, მარიამ ცათიაშვილი ავრცელებს. თვითონ თემურ ცათიაშვილი კომენტარს არ აკეთებს.

ტაჯიკი ბიზნესმენების გატაცებაში, იძულებასა და ფულის გამოძალვაში ბრალდებულები  – ბაქარ ფარეულიძე, ისლამ დუიშვილი, ზელიმხან აჭიშვილი და ზელიმ ბაკაევი პატიმრობიდან გაათავისუფლეს. თბილისის საქალაქო სასამართლომ ბრალდებულებს აღკვეთის ღონისძიება პატიმრობა 5000 – 5000 ლარის ოდენობით გირაოთი შეუცვალა. 

ტაჯიკი ბიზნესმენების გატაცებისა და იძულებით მათთვის ფულის გამოძალვის ბრალდებით, შინაგან საქმეთა სამინისტროს 4 პირი ჰყავს დაკავებული. მათგან 3 პანკისის ხეობის მკვიდრია - 26 წლის ბაქარ ფარეულიძე და ისლამ დუიშვილი, 22 წლის ზელიმხან აჭიშვილი. პატიმრობაში მყოფი მეოთხე პირი 20 წლის ზელიმ ბაკაევია. ახალგაზრდებისთვის წარდგენილი ბრალი სასჯელის სახით 7-დან 10 წლამდე ვადით თავისუფლების აღკვეთას ითვალისწინებს. სწორედ ბრალის შეცვლას ითხოვდნენ, რამდენიმე დღის წინ პანკისში გამართულ აქციაზე, რომელშიც ძირითადად დაკავებულების ახლობლები მონაწილეობდნენ. მათ ახმეტის მერი იოსებ ქარუმაშვილი და კახეთის ყოფილი გუბერნატორი, ამჟამად „ქართული ოცნებიდან“ მაჟორიტარობის კანდიდატი ირაკლი ქადაგიშვილი შეხვდნენ და თანადგომას დაპირდნენ.

„ჩემი შვილი ჰესების მშენებლობას ეწინააღმდეგებოდა. გვარებს შორის დაპირისპირება ჰესების გამო დაიწყო. ვისური ამის გამო მოკლა დაჯგუფებამ, ვახო ფარეულიძის იარაღით არის მოკლული. პოლიციელების თვალწინ მოკლეს. ამ ბანდას იარაღის მთელი არსენალი ჰქონდა. მანქანა დაცხრილეს, 45 ტყვია აქვს მოხვედრილი. მკვლელობამდე ჩვენი გვარის რამდენიმე წარმომადგენელს სცემეს, ვინც ჰესების მშენებლობას აპროტესტებდა. მაგათ შინაგან საქმეთა მინისტრის მოადგილე კახა საბანაძე მფარველობთ“, - აცხადებს პანკისის ხეობაში მოკლული, 37 წლის ვისური მუთოშვილის დედა, თამარ მუთოშვილი-ტოხოსაშვილი პანკისის სათემო რადიოსთან ექსკლუზიურ ინტერვიუში.

შინაგან საქმეთა სამინისტრომ განცხადება გაავრცელა პანკისელი ბიზნესმენის ვახტანგ ფარეულიძის ძმის და მისი დაცვის სამი წევრის დაკავებაზე. შსს-ს ინფორმაციით, ბრალდებულებმა ტაჯიკი ბიზნესმენები გაიტაცეს და თანხის გამოძალვის მიზნით სცემეს. ერთ-ერთი ბრალდებულის ისლამ დუიშვილის მართვის ქვეშ მყოფი მანქანიდან სამართალდამცავებმა სხვადასხვა იარაღი, ბეისბოლის ხელკეტები და 68 900 დოლარი ამოიღეს.

თბილისში პანკისის მცხოვრებლები ბაქარ ფარეულიძე, ისლამ დუიშვილი, ზელიმხან აჭიშვილი და კიდევ ერთი პირი, ზელიმ ბაკაევი ტაჯიკი ბიზნესმენების გატაცების, მათზე ძალადობისა და ფულის გამოძალვის საქმეზე დააკავეს. ბაქარ ფარეულიძე პანკისელი ბიზნესმენისა და სალაფიტური თემის ერთ-ერთი ლიდერის, ვახტანგ ფარეულიძის ძმაა. ვახტანგ ფარეულიძის პირადი დაცვის წევრები არიან ისლამ დუიშვილი, ზელიმხან აჭიშვილი და ზელიმ ბაკაევი.

ახმეტის მუნიციპალიტეტის სოფლებში ბირკიანსა და დუისში, დღეს, დილით მომხდარი ინციდენტის გამო შექმნილი კონფლიქტური სიტუაცია უკვე განმუხტულია და სიმშვიდეა. „ინციდენტის შედეგად არავინ დაზარალებულა, რადგან დროულად ჩავერიეთ“ - უთხრა პანკისის სათემო რადიოს სალაფიტური თემის ერთ-ერთმა ლიდერმა ვახტანგ ფარეულიძემ.

ახალი ამბების გამოშვებას ნაზი დაქიშვილი უძღვება

პანკისის ხეობაში ტრადიციული ისლამის მეჩეთის იმამები არასრულწლოვანთა ქორწინებას რელიგიურად აღარ გააფორმებენ. ეს გადაწყვეტილება ტრადიციული ისლამის მეჩეთის იმამებმა რამდენიმე დღის წინ, პანკისის უხუცესთა კავშირის წარმომადგენლებთან გამართულ შეხვედრაზე მიიღეს. ამ გადაწყვეტილებას პანკისის ხეობაში მცხოვრები ფუნდამენტური ისლამის წარმომადგენლები არ ეთანხმებიან.