„არაფერს ექნება ფასი, თუ არ გავხდებით უსაფრთხო“, – ამბობს პანკისის სათემო რადიოსთან ინტერვიუში ქეთი ჭუმბურიძე USAID-ის „ზრდა“ პროექტის ხელმძღვანელი ტურზმსა და „კოვიდ-19“-ზე ვაქცინაციის შესახებ საუბრისას. ახმეტის მუნიციპალიტეტში „ზრდა“ პროექტმა არაერთი პროგრამა განახორციელა პანდემიის შედეგად დაზარალებული ტურიზმის სექტორის დასახმარებლად.

გერმანიაში დასაქმების სააპლიკაციო ფორმა პირველ 4 დღეში საქართველოს 77 921-მა მოქალაქემ შეავსო. საბანკო დავალიანების არსებობა დასაქმების მსურველს ხელს არ შეუშლის, ჩაერთოს ამ პროგრამაში. სპეციალურ პორტალზე რეგისტრაცია 15 თებერვლიდან მიმდინარეობს, საქართველოდან პირველ ლეგალურ შრომით მიგრანტებს კი გერმანია 2021 წლის აპრილიდან მიიღებს.

ბოლო წლებში ტურიზმი პანკისის ხეობაში მრავალი ოჯახისთვის შემოსავლის მთავარ წყაროდ იქცა, თუმცა, ჯერ კიდევ კორონავირუსის პირველი ტალღის შემდეგ არაერთი საოჯახო სასტუმრო დაიხურა და მათ მუშაობის განახლება ამ დრომდე ვერ შეძლეს. „პანკისის ხეობის ტურიზმისა და განვითარების ასოციაციის“ ხელმძღვანელი ნაზი დაქიშვილი ამბობს, რომ სახელმწიფოსგან ორჯერ მიღებული 300-300-ლარიანი დახმარება იმისთვისაც კი არ აღმოჩნდა საკმარისი, რომ ასეთი სასტუმროების მფლობელებს საკუთარი ბიზნესი კოვიდ-რეგულაციებთან შესაბამისობაში მოეყვანათ.

მუხმად მუთოშვილი 24 წლის არის, საცხენოსნო გამყოლია პანკისიდან. ტურისტებს ის ტურებს სთავაზობდა პანკისის და ხადორის ხეობებში, პანკისიდან თუშეთსა და ფშავ-ხევსურეთში. ტურიზმი ხეობაში ახალგაზრდების დასაქმების ერთ-ერთი მნიშვნელოვანი შესაძლებლობა იყო. პანდემიის გამო დაწესებულმა შეზღუდვებმა გიდები უმუშევარი დატოვა.

„ყველაზე კარგი, რაც ამ პანდემიამ დაგვანახა არის, ის, რომ ოჯახური ბიზნესი ფასობს. გადარჩენის შანსი ყველაზე მეტად ამ ბიზნესს აქვს“, – ამბობს საქართველოს ეკოტურიზმის ასოციაციის მრჩეველი ნატალია ბახტაძე პანკისის სათემო რადიოსთან ინტერვიუში.