• მე და სახელმწიფო

    რა პრობლემებია პანკისში სამოქალაქო ინტეგრაციის კუთხით? გაზრდილია თუ არა გაუცხოება პანკისის მცხოვრებლების მხრიდან და პირიქით, პანკისის მიმართ? რა უწყობს ხელს გაუცხოებას? რა შესაძლებლობები გვაქვს ამ პრობლემების გადასაწყვეტად და უფრო ეფექტიანად როგორ შეიძლება დაიხარჯოს საბიუჯეტო რესურსები? რა გავლენა იქონია მთის კანონმა პანკისის ხეობაზე, რომელსაც მთავრობამ მაღალმთიანი დასახლების სტატუსი მიანიჭა? რა როლი აქვს პანკისის ხეობაში პრობლემების გადაწყვეტის და სამოქალაქო ინტეგრაციის ხელშეწყობის პროცესში ადგილობრივ თვითმმართველობას და რას ურჩევენ მუნიციპალიტეტის მერიას და საკრებულოს?

    ქვემო და ზემო ხალაწნების დამაკავშირებელი 3.5 კილომეტრიანი გზის სრული რეაბილიტაცია, რაზედაც 1 მილიონ ლარზე მეტი დაიხარჯება; 220 ათასი ლარი ომალოს მრავალფუნქციური კულტურის სახლის რეაბილიტაციისთვის; ცხენოსნობის განვითარების მიზნით მცირე ზომის იპოდრომის მოწყობა; საბავშვო ბაღებისა და სკოლების რეაბილიტაცია - გადაცემაში ვსაუბრობთ 2019-2020 წლებში ხეობაში განსახორციელებელ პროექტებზე.

    რა გავლენა იქონია პანკისში ტურიზმის განვითარებაზე, ხეობაში, 2019 წლის 21 აპრილს, ადგილობრივებსა და სამართალდამცავებს შორის მომხდარმა დაპირისპირებამ? რატომ გააუქმეს ტურისტებმა ჯავშანი პანკისის საოჯახო სასტუმროებში? რატომ შეატოვა სახელმწიფომ შეტაკების შემდეგ ჩავარდნის საფრთხის წინაშე მყოფი ტურისტული სეზონი საოჯახო სასტუმროების მეპატრონეებს? რა მხარდაჭერა სჭირდებათ ადგილობრივებს, რომლებიც ტურისტულ ბიზნესში ერთი ან ორი წლის წინ ჩაერთვნენ და განვითარებისთვის ბანკიდან სესხიც აქვთ აღებული? რა როლი აქვს მედიას პანკისში სიტუაციის შესაცვლელად? რას ფიქრობენ პანკისელი მეწარმეები ხეობაში სტუმრებისთვის ჩაცმულობასთან დაკავშირებით შექმნილ პრობლემებზე ადათ-წესებზე მითითებით?

    გადაცემაში, პანკისში, 21 აპრილს, სამართალდამცავებსა და ადგილობრივ მცხოვრებლებს შორის მომხდარ შეტაკებაზე ვსაუბრობთ. შინაგან საქმეთა სამინისტროს მონაცემებით, 55 ადამიანი დაშავდა - 38 პოლიციელი და 17 მოქალაქე. სინამდვილეში, ბევრად მეტი ადგილობრივი დაშავდა. ჭრილობებს ისინი სახლის პირობებში იშუშებდნენ და სამედიცინო დაწესებულებებისთვის არ მიუმართავთ.

    პანკისის ხეობის სოფელ დუისში იურიდიული დახმარების სამსახურის საკონსულტაციო ცენტრი გაიხსნა. იურიდიული დახმარების სამსახური უფასო სამართლებრივი დახმარების გამწევი სახელმწიფო ორგანიზაციაა.

    რა მდგომარეობაა პანკისის ხეობაში სპორტზე ხელმისაწვდომობის კუთხით? ხეობის 12 სოფლიდან არცერთში არ არის მოწყობილი სპორტული მოედანი, არადა, პანკისელი ბავშვებისა და ახალგაზრდების დიდი ნაწილი ფეხბურთითაა გატაცებული. წინა წლებში სპორტის სამინისტრომ რამდენიმე სოფელში ქუჩის ღია სავარჯიშო მოწყობილობები დაამონტაჟა. ასევე, დუისში ფუნქციონირებს ძიუდოს დარბაზი.

    საქართველოს სახელმწიფო უსაფრთხოების სამსახურის ანგარიშის მიხედვით, 2018 წლისთვის, სირიასა და ერაყში, ტერორისტული ორგანიზაციების რიგებში, საქართველოს 30-მდე მოქალაქე იმყოფებოდა. პანკისის სათემო რადიოს მონაცემებით, ბოლო წლებში სირიაში საბრძოლო მოქმედებებს უკვე 32 პანკისელი ემსხვერპლა.

    პანკისი-თუშეთის გზის მშენებლობის პროექტი ჩავარდა. საავტომობილო გზების დეპარტამენტის თავმჯდომარის ირაკლი ქარსელაძის განცხადებით, პანკისი-თუშეთის მიმართულებაზე ვერ მოხერხდა შესაბამისი საპროექტო გადაწყვეტილების მიღება, რთული რელიეფიდან გამომდინარე და გეოლოგიური სიტუაციის გათვალისწინებით.

    პანკისის ხეობის სოფელ ქორეთში, 2005 წელს, აჭარიდან ჩამოსახლებული ეკომიგრანტების 32 ოჯახიდან ახლა 10 ოჯახიღაა დარჩენილი. მათი ნაწილიც აჭარაში დაბრუნებას ფიქრობს.

    პანკისელი ახალგაზრდებისთვის პროფესიული განათლების ხელმისაწვდომობის ხელშეწყობა ერთ-ერთ მთავარ საკითხად დასახელდა მთის სათემო ორგანიზაციების პირველივე ფორუმზე, რომელიც თელავში გაიმართა.

    პანკისის ხეობაში, დუისის და ჯოყოლოს საგანმანათლებლო ცენტრებმა 2019 წლის იანვრიდან, დაფინანსების არქონის გამო მუშაობა შეწყვიტეს. ამ ცენტრების აქტივობებში ხეობის სხვადასხვა სოფელში მცხოვრები 300-მდე ბავშვი იყო ჩართული.

    გადაცემაში პანკისის ხეობის მოსახლეობასა და ხელისუფლებას შორის კომუნიკაციის კრიზისზე ვსაუბრობთ.

    როგორ აფასებს ადგილობრივი თვითმმართველობის არჩევნებს და სამთავრობო ცვლილებებს საქართველოში ამერიკის შეერთებული შტატების ელჩი? რა პოტენციალი აქვს პანკისის ხეობას განვითარებისთვის? როგორ უწყობს ხელს აშშ-ის საელჩო მეწარმეობაში ახალგაზრდებისა და ქალების მონაწილეობას?

    რა მნიშვნელობა აქვს პანკისობის აღნიშვნას ხეობისთვის, ადგილობრივი მცხოვრებლებისთვის? რა პროექტები განხორციელდა პანკისში და რა სარგებელი მოუტანა მოსახლეობას? რა პროექტების განხორციელება იგეგმება სამომავლოდ?

    თუშეთში ტურისტული სეზონის დასრულებამდე ორი თვე დარჩა და მუნიციპალიტეტის გამგეობას შიდა გზები ამ დრომდე არ გაუწმენდია. პირიქითის ხეობაში სოფელ გირევთან მისასვლელი გზა იმდენად არის დაზიანებული, რომ გადაადგილება მაღალი გამავლობის ავტომობილებსაც უჭირთ. დართლოს გზაზე ადგილობრივებმა 5 მეტრიანი ზვავი ხელით და ბენზოხერხებით გაჭრეს. ჩანგრევაზეა შენაქო–დიკლოსთან დამაკავშირებელი ერთადერთი ხიდი. ახმეტის მუნიციპალიტეტის გამგებელი შვებულებაშია და დროს ბრიტანეთში ატარებს.

    სიახლეები

    ხვრელების არსებობა რუსეთს ომის გახანგრძლივებაში ეხმარება - ინტერვიუ აშშ-ის ელჩთან

    „სახიფათო ნაბიჯია ურთიერთობების ნორმალიზების მცდელობა იმ ქვეყანასთან, რომელსაც არასოდეს შეუსრულებია…

    ბაზისბანკის მხარდაჭერით, აჭარა აგროჯგუფმა ლურჯი მოცვის ბაღები გააშენა

    ბაზისბანკი, როგორც ბიზნესის ერთ-ერთი უმსხვილესი დამფინანსებელი, აგრძელებს ადგილობრივი ბიზნესის განვითარების…

    ვიბრძოლებთ, რომ საქმე გამოძიებას დაუბრუნდეს - მაჩალიკაშვილი სტრასბურგის გადაწყვეტილებაზე

    „გადაწყვეტილებით ძალიან აღფრთოვანებული თუ არა, კმაყოფილი ვარ, რადგან ის ამბობს,…
  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]