12 იანვრის ჩანაწერი (2018 წელი) - სახელმწიფო უსაფრთხოების სამსახურის მიერ, 26 დეკემბერს, შუაღამით პანკისში ჩატარებული სპეცოპერაციის შედეგად, ტერორიზმის ხელშეწყობის ბრალდებით 4 პირი დააკავეს, 19 წლის თემირლან მაჩალიკაშვილი კი სპეცრაზმმა საკუთარ საძინებელ ოთახში, დაკავებისას თავში სასიკვდილოდ დაჭრა. მაჩალიკაშვილი 10 იანვარს რეანიმაციაში გარდაიცვალა.

30 აგვისტოს ჩანაწერი (2017 წ) - ლაფანყურის სპეცოპერაციიდან, რომლის შედეგადაც 10 ადამიანი დაიღუპა, 5 წელი გავიდა. „ქართული ოცნების“ ლიდერის ბიძინა ივანიშვილის საჯარო დაპირების მიუხედავად, რომ ხელისუფლებაში მოსვლის შემდეგ ლოპოტას ხეობაში მომხდარ უბედურებას გამოუძიებელს არ დატოვებდნენ და დამნაშავეებს დასჯიდნენ, საქმეზე გამოძიება ამ დრომდე არ არის დასრულებული.

5 აპრილის ჩანაწერი (2017 წ) – 28 მარტს საქართველოს მოქალაქეებისთვის, რომლებიც ბიომეტრიულ პასპორტს ფლობენ, ევროკავშირის/შენგენის წევრ ქვეყნებში უვიზო მიმოსვლა ამოქმედდა. მანამდე, 2014 წლის 27 ივნისს, ბრიუსელში, ხელი მოეწერა ევროკავშირთან ასოცირების შეთანხმებას, რომელიც მოიცავს ღრმა და ყოვლისმომცველი თავისუფალი სავაჭრო სივრცის კომპონენტსაც.

29 მარტის ჩანაწერი (2017 წ) – რატომ არის ხელმიუწვდომელი წალკის მუნიციპალიტეტში სკოლამდელი განათლება; რა ნეგატიურ გავლენას ახდენს ეს ბავშვებზე; რას და როდის გეგმავს ხელისუფლება ამ პრობლემის მოსაგვარებლად; როგორ ახერხებენ მაღალმთიან სოფლებში მცხოვრები ბავშვები სასკოლო განათლების მიღებას; რა პირობებში უწევთ მათ ცხოვრება სკოლებთან არსებულ პანსიონებში; რა ცვლილებები შევიდა კანონმდებლობაში და რა ზეგავლენას იქონიებს ის მთაში შემორჩენილ მოზარდებზე;

22 მარტის ჩანაწერი (2017 წ) – მოძველებული და გაუმართავი ქსელის გამო კახეთში ელექტროენერგიით მომარაგების კუთხით ყველაზე მძიმე სიტუაცია პანკისის ხეობაშია, სადაც მოსახლეობა უშუქოდ რამდენიმე დღეც კი რჩება. ამასთან, დაბალია ძაბვა, რის გამოც საწარმოებს სრული დატვირთვით მუშაობა უჭირთ და ტექნიკაც ხშირად გამოდის მწყობრიდან. შეფერხებებით მაუწყებლობს პანკისის სათემო რადიოც.

15 თებერვლის ჩანაწერი (2016 წ) - საგარეჯოს რაიონის სოფელ ლამბალოში, ორი შვილის დედამ, 30 წლის ხანუმ ჯეირანოვამ თავი 2014 წლის 18 სექტემბერს მოიკლა. პოლიციამ გამოძიება დაიწყო, თუმცა მალევე შეწყვიტა იმ მოტივით, რომ დანაშაულის ნიშნები არ იკვეთებოდა. გამოძიებას არც გარდაცვლილის ცხედრის ექსპერტიზა ჩაუტარებია და არც თვითმხილველები დაუკითხავს.

8 თებერვლის ჩანაწერი (2017 წ) - კახეთში ჯერ კიდევ არის სოფლები, სადაც სკოლამდელი განათლება ბავშვებისთვის ხელმისაწვდომი არ არის და მუნიციპალიტეტები სათანადო ყურადღებას არ უთმობენ ამ პრობლემის მოგვარებას, არადა სკოლამდელი განათლება იმ სოფლებში, საიადანაც ჩვენმა კორესპონდენტებმა სიუჟეტები მოამზადეს განსაკუთრებით მნიშვნელოვანია, რადგან სასკოლო ასაკის ბავშვები ქართულ ენაზეც კი ვერ საუბრობენ.

14 დეკემბრის ჩანაწერი (2016) – ახმეტის მუნიციპალიტეტის საკრებულოში უკვე მეორედ ჩავარდა საკრებულოს თავმჯდომარის და მოადგილის თანამდებობებიდან გელა ჯუგაშვილისა და თამაზ წითელაურის გადაყენების საკითხი. იმპიჩმენტს 16 ხმა სჭირდება, საკრებულოს თავმჯდომარის გადაყენებას კი მხარი 14–მა წევრმა დაუჭირა.

2 დეკემბრის ჩანაწერი (2016) გადაცემის თემაა ქალთა გენიტალიების დასახიჩრების კრიმინალიზაცია. ქალთა გენიტალიების დასახიჩრების პრაქტიკა ცოტა ხნის წინ გამოვლინდა საქართველოში, კერძოდ კი ყვარლის რაიონის სამ სოფელში, სადაც ეთნიკური ავარები ცხოვრობენ.

23 ნოემბრის ჩანაწერი (2016) რა საფრთხეებს შეიცავს ე.წ. „ისლამური სახელმწიფო“ საქართველოსთვის; რა ფაქტორები უწყობს ხელს დაეშის იდეოლოგიის მხარდამჭერთა გააქტიურებას საქართველოში; როგორ ხდებოდა საქართველოს მოქალაქეების რეკრუტირება და გადინება სირიაში; ამ მიმართულებით რა არის პანკისის ხეობის გამოწვევები; როგორია სახელმწიფო პოლიტიკა ხეობის მიმართ და რა რეკომენდაციებს აძლევს არასამთავრობო სექტორი ხელისუფლებას.

16 ნოემბრის ჩანაწერი (2016 წ) – პანკისში მომუშავე არასამთავრობო ორგანიზაციების განცხადებით, ხეობაში მასობრივად დანიშნული სოციალური დახმარება მოსახლეობის დემოტივაციას იწვევს და ხელს უშლის მათი ჩართულობის ხელშეწყობას ეკონომიკურ, საზოგადოებრივ პროცესებში. პანკისის ხეობაში სოციალური დახმარების მავნე ზეგავლენაზე ადგილობრივი ხელისუფლების წარმომადგენლებიც საუბრობენ.

2 ნოემბრის ჩანაწერი (2016 წ) – გადაცემაში გენდერულ საკითხებზე, ქალთა უფლებებზე, პოლიტიკურ და საზოგადოებრივ პროცესებში ქალთა მონაწილეობის შესაძლებლობებზე, ამ მიმართულებით არსებულ პრობლემებსა და მათი გადაჭრის გზებზე ვსაუბრობთ.

26 ოქტომბრის ჩანაწერი (2016 წ) – გადაცემაში ვსაუბრობთ მაჟორიტარული არჩევნების მეორე ტურსა და წინასაარჩევნო პერიოდში დაფიქსირებულ დარღვევებზე.

19 ოქტომბრის ჩანაწერი (2016 წ) – რატომ ვერ მოიგო „ქართულმა ოცნებამ“ მაჟორიტარული არჩევნები კახეთის 6 საარჩევნო ოლქიდან ხუთში, პირველივე ტურში;

5 ოქტომბრის ჩანაწერი (2016 წ) – როგორია 2016 წლის 8 ოქტომბერს დანიშნული საპარლამენტო არჩევნების წინასაარჩევნო გარემო;