პანდემიამ გავლენა სპორტზეც იქონია. პანკისში ასებული ძიუდოს დარბაზი, რომელიც ერთადერთი ადგილია, სადაც მოზარდები პროფესიონალურად ეუფლებიან სპორტის სხეობას, შეცვლილი დღის წესრიგით აგრძელებს მუშაობას. ისევ შეზღუდულია სპორტული შეჯიბრებები და შეკრებები, რაც ახალგაზრდა ძიუდოისტებისთვის მნიშვნელოვანი მოტივატორი იყო. სპორტი სასკოლო განათლების ნაწილიც არის, თუმცა დისტანციური სწავლების პერიოდში სპორტის გაკვეთილები სრულფასოვნად არ ტარდებოდა.

სოფელ ჯოყოლოში მრავალფუნქციური სპორტული ცენტრის მშენებლობა და პანკისის ხეობის სოფლებიდან რაიონულ ცენტრამდე დამაკავშირებელი საზოგადოებრივი ტრანსპორტის არსებობა - ეს არის ორი ყველაზე მნიშვნელოვანი საკითხი, რომელიც პანკისის ხეობაში ახალგაზრდების სპორტული საჭიროებების ადვოკატირების პროექტის ფარგლებში ჩატარებული კვლევისას გამოიკვეთა. ორივე პრობლემის გადაწყვეტის ხელშეწყობისთვის პანკისის სათემო რადიო და უხუცესთა კავშირი ადვოკატირების კამპანიებს უახლოეს დღეებში დაიწყებენ.