კონკურსის მიზანია მხარი დაუჭიროს ინიციატივებს, რომლებსაც შეუძლია ხელი შეუწყოს განსხვავებული აღმსარებლობის, ეთნიკური, ლინგვისტური თუ სხვა კუთვნილების მქონე ადამიანების და ლგბტ თემის ქართულ საზოგადოებაში ინტეგრაციას, მათ შესახებ არსებული ცრურწმენების მსხვრევას, დისკრიმინაციული დამოკიდებულების შეცვლას, ობიექტური ინფორმაციის მიწოდებას და სხვადასხვა თემის ერთმანეთთან დაახლოვებას.

მსურველებმა უნდა წარმოადგინონ იდეა, რომელიც ფოკუსირებული იქნება უმცირესობათა რომელიმე თემის პრობლემატიკაზე, შეავსონ აპლიკაცია ონლაინ-პლატფორმაზე app.orbeliani.net ქართულად, რუსულად ან ინგლისურად და დაასაბუთონ საკუთარი იდეის მნიშვნელობა შერჩეული თემისათვის, ასევე მიუთითონ ის ნივთები ან/და მომსახურება, რომლის შეძენაც აუცილებელია მათი ინიციატივის განხორციელებისათვის.

გამარჯვებულს სპეციალურად შერჩეული წევრებისგან დაკომპლექტებული დამოუკიდებელი კომისია გამოავლენს.

იდეების მიღების ბოლო ვადა არის 2017 წლის 31 იანვარი.

პროგრამას აფინანსებს ნიდერლანდების საელჩო საქართველოში.

ნახეთ განაცხადი სრულად