• weather cur horoscope

    „ნაიკმა“ მუსლიმი ქალებისთვის სპორტული ჰიჯაბი შექმნა

    შაბათი, 11 მარტი 2017 12:49 view 3102
    „ნაიკმა“ მუსლიმი ქალებისთვის სპორტული ჰიჯაბი შექმნა

    სპორტული ტანსაცმლისა და აქსესუარების მწარმოებელმა კომპანიამ „ნაიკმა“ მუსლიმი ქალი ათლეტებისთვის სპორტული ჰიჯაბი „ნაიკ პრო ჰიჯაბი“ შექმნა. კომპანიის განცხადებით, პროდუქტის დამზადება მას შემდეგ გადაწყდა, რაც სპორტით დაკავებულმა ქალებმა უკმაყოფილება გამოთქვეს სპორტული შეჯიბრებებისა და ვარჯიშის დროს ტრადიციული თავსაბურით გამოწვეული უხერხულობის გამო.

    სპორტული ჰიჯაბის დიზაინზე 13 თვის განმავლობაში მუშაობდნენ. ის დამზადებულია სპეციალური ელასტიური ნაჭრისგან და აქვს პატარა ხვრელები ჰაერისა და ოფლის გამტარობის უზრუნველსაყოფად. სამი ფერის სპორტული ჰიჯაბი გაყიდვაში 2018 წლის გაზაფხულიდან გამოვა.

    „ნაიკის“ ახალი პროდუქტი უკვე გამოსცადა არაბმა ციგურებით ფიგურულმა მოსრიალემ ზაჰრა ლარიმ. არაბთა გაერთიანული საემიროებიდან ის პირველი ფიგურული მოსრიალეა, რომელმაც საერთაშორისო დონეზე იასპარეზა და სავარაუდოდ, 2018 წლის ზამთრის ოლიმპიურ თამაშებშიც მიიღებს მონაწილეობას.

    აღსანიშნავია, რომ 2016 წელს „ნაიკმა“ ახლო აღმოსავლეთში მცხოვრები ქალების შესახებ დაამზადა ვიდეორგოლი სახელწოდებით „რას იტყვიან შენს შესახებ?“, რომლის მიზანი სტერეოტიპების დამსხვრევა და ქალების მიმართ კულტურული და სოციალური შეხედულებების შეცვლაა. ვიდეორგოლში მონაწილეობენ როგორც მომღერალი, ისე სპორტის სხვადასხვა სახეობაში მოღვაწე ქალები.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    პანკისის მოსახლეობამ ტრანსპორტის დანიშვნის მოთხოვნით საკრებულოს პეტიციით მიმართა

    პანკისის ხეობის 15 სოფლის მოსახლეობამ, მუნიციპალური, იაფი ტრანსპორტის დანიშვნის მოთხოვნით,…

    დაფუძნდა პანკისის სათემო ორგანიზაცია

    პანკისის ხეობის ქისტურ და ქართულ სოფლებში მცხოვრებმა ახალგაზრდებმა პანკისის სათემო…

    უკრაინიდან საქართველოში ცეზარ ტოხოსაშვილის ექსტრადირება განხორციელდა

    თბილისის საერთაშორისო აეროპორტში, უკრაინიდან, ტერორიზმის ბრალდებით, ინტერპოლის წითელი ცირკულარით ძებნილი,…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]