სამი თვეა, რაც თბილისში, პარლამენტის შენობის წინ, კიდევ ერთ შვილმოკლულ მამასთან და რამდენიმე აქტივისტთან ერთად, მკვლელების დასჯას ითხოვს. მისი შვილი 25 ნოემბერს 20 წლის გახდებოდა, მაგრამ დაახლოებით ერთი წლის წინ, საკუთარ სახლში, საწოლში, სპეცოპერაციის დროს შუბლი გაუხვრიტეს. სასიკვდილოდ დაჭრილი თემირლან მაჩალიკაშვილი რამდენიმე დღეში საავადმყოფოში გარდაიცვალა. მოკლულის მამა ერთი წელია სახელმწიფოსგან პასუხს ელის კითხვაზე - რატომ მოკლეს თემირლანი.