პანკისში ჩატარებული სპეცოპერაციისას სპეცრაზმის მიერ თავის არეში სასიკვდილოდ დაჭრილი 19 წლის თემირლან მაჩალიკაშვილი დღეს სოფელ დუისის სასაფლაოზე დაკრძალეს. გარდაცვლილის მამა, ოჯახი და ხეობის მოსახლეობა პროკურატურისგან მკვლელობის ფაქტის სწრაფ და ობიექტურ გამოძიებას ითხოვს. უახლოეს დღეებში პანკისის მცხოვრებლები ხეობაში საპროტესტო აქციების გამართვასაც აპირებენ.