როგორც კანონი გვეუბნება, ქორწინების ოფიციალური აღიარებისთვის საჭიროა შემდეგი სამი გარემოება: ა) ქორწინება მიზნად უნდა ისახავდეს ოჯახის შექმნას; ბ) ქორწინება უნდა იყოს ქალისა და მამაკაცის ნებაყოფლობითი კავშირი; გ) ქორწინება უნდა იყოს სათანადო წესით რეგისტრირებული.
კონსტიტუციის 36-ე მუხლის მიზნები და შინაარსი ფართოა. ამ მუხლით დაცული სფერო მოიცავს როგორც დაქორწინებას, ასევე, საოჯახო თანაცხოვრებასა და განქორწინებას.

ქორწინების თავისუფლება თანაბრად ვრცელდება როგორც საქართველოს მოქალაქეებზე, ასევე უცხოელებსა და მოქალაქეობის არმქონე პირებზე.

რა არის ქორწინება იურიდიული თვალსაზრისით? რას ნიშნავს „ოჯახის“ ცნება ქართული კანონმდებლობის მიხედვით? როგორია ქორწინების თავისუფლებაში სახელმწიფოს მხრიდან ჩარევის ფარგლები და რას გულისხმობს იგი კონკრეტულად? რა არის საქორწინო ხელშეკრულება, რა თავისებურებებით ხასიათდება იგი და როგორი წესით უნდა გაფორმდეს? ითვლება თუ არა დანაშაულად ქორწინების თავისუფლების ხელყოფა და რა სახის სასჯელს ითვალისწინებს?

სტუდიაში კითხვებს პასუხობს:

გელა შაშიაშვილი - იურისტი, სამოქალაქო აქტივობების ცენტრის ადამიანის უფლებების დაცვის მიმართულების ხელმძღვანელი.