საინფორმაციო გამოშვება

LIVE

საინფორმაციო გამოშვება – 27.11.2020

პარასკევი, 27 ნოემბერი 2020 22:30

2231

დატოვე კომენტარი

ახალი ამბების მთავარ გამოშვებას რიზვან გორგიშვილი უძღვება.

24 საათში პანკისის ხეობაში კოვიდ-19-ით ინფიცირების 40 ახალი შემთხვევა დაფიქსირდა;
საქართველოში კორონავირუსით ინფიცირებულთა რიცხვი ბოლო 24 საათში 4780-ით გაიზარდა;
კორონავირუსით ექიმი, 57 წლის ზაზა იმერლიშვილი გარდაიცვალა;
პაატა იმნაძის განცხადებით, კორონავირუსით ინფიცირების მაჩვენებლის კლება 2 კვირის შემდეგ დაიწყება;
ჯანდაცვის მინისტრის მოადგილე თამარ გაბუნია – დილის მონაცემებით, მთელი ქვეყნის მასშტაბით, 421 თავისუფალი საწოლი იყო;
ვიცე-პრემიერი მაია ცქიტიშვილი – ქვეყანაში არსებული სამედიცინო პერსონალის რესურსი შეზღუდულია, ხოლო არსებული რესურსი სრულად არის ჩართული ეპიდემიის მართვაში;
28 ნოემბრიდან თბილისის მეტრო, მუნიციპალური ავტობუსები და კუს ტბის საბაგირო მუშაობას შეაჩერებს;
28 ნოემბრიდან 24 დეკემბრამდე, ასევე 3 იანვრიდან 31 იანვრამდე საქალაქთაშორისო გადაადგილების შეზღუდვის გამო „საქართველოს რკინიგზის“ სამგზავრო გადაყვანები დროებით ჩერდება;
„ლელოს“ ოფისში ოპოზიციური პარტიების შეხვედრა გაიმართა;
ზაალ უდუმაშვილი –არსებობს გონივრული ეჭვი, რომ ხელისუფლებამ მსგავსი მასშტაბის „ლოქდაუნი“ პოლიტიკური ნიშნით დააწესა და არა ეპიდემიოლოგიური ვითარების სამართავად;
დიდ ქალაქებში – თბილისში, თელავში, ბათუმში, ქუთაისში, რუსთავში, გორში, ფოთსა და ზუგდიდში და ასევე, სათხილამურო კურორტებზე – მესტიაში, გოდერძიში, ბაკურიანსა და გუდაურში, 28 ნოემბრიდან ახალი წესები ამოქმედდება;
24 დეკემბრიდან 2 იანვრამდე შეზღუდვები შემსუბუქდება;
მაია ცქიტიშვილი – არც ერთი ბიზნესისთვის არ არის სასურველი რაიმე სახის შეზღუდვები და ჩვენთვისაც მძიმე იყო ამ გადაწყვეტილების მიღება, მაგრამ სასწორის მეორე მხარეს დგას ადამიანის ჯანმრთელობა და სიცოცხლე;
დიდი სავაჭრო ცენტრების წარმომადგენლები ითხოვენ, რომ 24 დეკემბრამდე ერთი კვირით ადრე მიეცეთ გახსნის საშუალება, სანაცვლოდ კი იანვრის განმავლობაში დაიკეტონ;
რესტორატორთა ასოციაციის ვიცე-პრეზიდენტი შოთა ბურჯანაძე – რესტორნების მუშაობის შეზღუდვის გადაწყვეტილება შოკისმომგვრელი იყო და მთავრობის წარმომადგენლებთან შეხვედრების დროს მსგავსი შეზღუდვა არ განიხილებოდა;
სერგი კაპანაძე – როდესაც ქვეყანაში მძიმე ეკონომიკური მდგომარეობაა „ქამრების შემოჭერა“, პირველ რიგში, მთავრობამ და საჯარო სამსახურმა უნდა დაიწყოს;
მაია ცქიტიშვილი – ოპოზიციური პარტიების დაფინანსება ყოველთვის მიბმულია პასუხისმგებლობის აღებაზე;
პროკურორის დადგენილების საფუძველზე, ჟურნალისტი გიორგი გაბუნია დაზარალებულად იქნა ცნობილი;
28 ნოემბრის ამინდის პროგნოზი – პანკისის ხეობა +6, ახმეტა +5, გურჯაანი 3, თელავი +4, ლაგოდეხი +6, სიღნაღი +5.