LIVE- პანკისის ხეობის სოფელ დუისში, რეგიონული ჯანდაცვის ცენტრში, კორონავირუსის პრევენციისთვის ანტიგენზე დამყარებული ტესტირება დაიწყო;
- ბოლო 24 საათში საქართველოში გამოვლენილია ვირუსით ინფიცირების 4734 ახალი დადასტურებული შემთხვევა, გამოჯანმრთელდა 3895 და გარდაიცვალა 38 ადამიანი;
- ბათუმში კორონავირუსით კიდევ ერთი ექიმი გარდაიცვალა;
- აჭარის ჯანდაცვის სამინისტროს 80-მდე ერთეული ჟანგბადის კონცენტრატორი გადაეცა;
- სამართალდამცველების მიერ განხორციელებული მონიტორინგის შედეგად, ბოლო 24 საათის განმავლობაში, მთელი ქვეყნის მასშტაბით, კორონავირუსის გავრცელების პრევენციის მიზნით დაწესებული შეზღუდვების ფარგლებში მოქმედი რეგულაციების დარღვევის 901 ფაქტი გამოვლინდა;
- ბათუმის მერია COVID-19-ით გამოწვეული გარემოებების გამო მოსახლეობისთვის, ასევე, იურიდიული პირებისა და ინდმეწარმეებისთვის შეღავათებს აწესებს;
- არჩილ თალაკვაძე – პარლამენტის პირველი სხდომა რა შემადგენლობით გაიმართება დამოკიდებულია პოლიტიკური პარტიების გადაწყვეტილებაზე;
- ირაკლი კობახიძე – ყველა დეპუტატს შეუწყდება უფლებამოსილება, რომელიც განცხადებით მოგვმართავს, მაგრამ დაფინანსებასა და სხვა პრივილეგიებს ვერ მიიღებენ პარტიები, რომლებიც პარლამენტში არ იქნებიან;
- ხატია დეკანოიძე – საარჩევნო სისტემის ნამცეცები არ არის ჩვენთვის მნიშვნელოვანი, ჩვენთვის მნიშვნელოვანია შეწყდეს პოლიტიკური რეპრესიები;
- გიორგი ვაშაძე – ვიდრე მოლაპარაკების რესურსი არსებობს, ვფიქრობ, რომ განცხადებასთან დაკავშირებით არ უნდა იჩქაროს ოპოზიციამ;
- გიგა ბოკერია – „ნაციონალური მოძრაობისთვის“ საარჩევნო რეგისტრაციის შესაძლო გაუქმება „პუტინის რუსეთის მოდელია“;
- ევროკავშირის ელჩი საქართველოში – ბოლო ორი დღის განმავლობაში მნიშვნელოვან პროგრესს მივაღწიეთ;
- სერგი კაპანაძე – დამრჩა შთაბეჭდილება, რომ ალეკო ელისაშვილს პარლამენტში უნდა შესვლა და ეძებს საბაბს;
- ნინო ბურჯანაძე – იმედია, ბატონი ელისაშვილი გადაიფიქრებს და კარგად დაფიქრდება, რომ ამით ის, პირველ რიგში, საკუთარ თავს დააზარალებს და ძალიან გაუტეხავს გულს იმ ადამიანებს, ვინც მისი მომხრე იყო და ვისაც მის სჯეროდა;
- სსიპ დასაქმების ხელშეწყობის სახელმწიფო სააგენტოს ინფორმაციით, მთავრობის 300-ლარიანი დახმარების გაცემა დაიწყო და ის 14 302 პირმა უკვე მიიღო;
- კახა კალაძე – დედაქალაქის 2021 წლის ბიუჯეტი მილიარდ 100 მილიონ ლარზე მეტი იქნება, რაც მერიას იმის შესაძლებლობას მისცემს, რომ დედაქალაქში სხვადასხვა მნიშვნელოვანი პროექტები განახორციელოს;
- ბაქო-თბილისი-ყარსის რკინიგზაზე ჩინეთის მიმართულებით ტვირთის ტრანსპორტირება პირველად ხორციელდება;
- აშშ-ის სახელმწიფო მდივნის ყოფილი თანაშემწე ევროპის საკითხებში უეს მიტჩელმა – ვფიქრობ, ნაადრევია იმის თქმა, რომ საქართველო ნატოში ახლა უნდა გაწევრიანდეს;
- თურქეთის პრეზიდენტი დღეს ორდღიანი ვიზიტით აზერბაიჯანს ეწვევა;
- ერევანში დღევანდელი სამოქალაქო დაუმორჩილებლობის აქცია დასრულდა;
- გაერთიანებული სამეფოს მარეგულირებლები იმ ადამიანებს, რომლებსაც ძლიერი ალერგიული რეაქციები ახასიათებთ, Pfizer/BioNTech-ის მიერ შექმნილ კორონავირუსის საწინააღმდეგო ვაქცინის გაკეთებას არ ურჩევენ;
- 10 დეკემბრის ამინდის პროგნოზი - პანკისის ხეობა +3, ახმეტა +3, გურჯაანი+4, თელავი +2, ლაგოდეხი+4, სიღნაღი +2;
საინფორმაციო გამოშვება – 09.12.2020
პარასკევი, 11 დეკემბერი 2020 10:19
943
ახალი ამბების მთავარ გამოშვებას რიზვან გორგიშვილი უძღვება.
გაიგეთ მეტი:
საქართველოს ამბები
სიახლეები
ხვრელების არსებობა რუსეთს ომის გახანგრძლივებაში ეხმარება - ინტერვიუ აშშ-ის ელჩთან
„სახიფათო ნაბიჯია ურთიერთობების ნორმალიზების მცდელობა იმ ქვეყანასთან, რომელსაც არასოდეს შეუსრულებია…
ბაზისბანკის მხარდაჭერით, აჭარა აგროჯგუფმა ლურჯი მოცვის ბაღები გააშენა
ბაზისბანკი, როგორც ბიზნესის ერთ-ერთი უმსხვილესი დამფინანსებელი, აგრძელებს ადგილობრივი ბიზნესის განვითარების…
ვიბრძოლებთ, რომ საქმე გამოძიებას დაუბრუნდეს - მაჩალიკაშვილი სტრასბურგის გადაწყვეტილებაზე
„გადაწყვეტილებით ძალიან აღფრთოვანებული თუ არა, კმაყოფილი ვარ, რადგან ის ამბობს,…
