„ჰეი თქვენ, რომელთაც ირწმუნეთ! სავალდებულო გახდა თქვენდა მარხვა, როგორც სავალდებულო იყო მათთვის, ვინც თქვენ უწინარეს იყო, ეგების დაცული იქმნეთ ყოველივე ცუდისგან“, – ვკითხულობთ ყურანში მუჰამედის მოწოდებას.

ისლამურ საზოგადოებებში რელიგიამ შეითვისა ეთნიკური იდენტობის გარკვეული ელემენტები, რომელიც ცხოვრების წესსა და ქცევაში გამოიხატება. გადაცემაში ვსაუბრობთ საქართველოში მცხოვრები სხვადასხვა ეთნიკური იდენტობის მქონე მუსლიმების ცხოვრებაში რამადანის მნიშვნელობასა და მასთან დაკავშირებულ ტრადიციებზე.

„რადიოკაფეს“ სტუმრები არიან:

ჰურიე აბაშიძე – ქართველი მუსლიმი, აქტივისტი აჭარის რეგიონიდან;

ოქტაი ქაზუმოვი – ლიტერატურათმცოდნე და აქტივისტი, აზერბაიჯანული თემის წარმომადგენელი ქვემო ქართლიდან;

გადაცემის წამყვანია ლუიზა მუთოშვილი – სამოქალაქო აქტივისტი, პედაგოგი, პანკისის სათემო ორგანიზაციის თავმჯდომარე.