საქართველოს განათლებისა და მეცნიერების სამინისტრო, 4 ოქტომბრიდან 15 ოქტომბრის ჩათვლით, პროფესიული განათლების მიღების მსურველთა რეგისტრაციას აცხადებს. წელს პირველად, პროფესიული განათლების მიღება შესაძლებელია დამატებით სამ მუნიციპალიტეტში - ყაზბეგში, თიანეთსა და ლაგოდეხში.

განათლებისა და მეცნიერების მინისტრმა ალექსანდრე ჯეჯელავამ სამი საჯარო სკოლის დირექტორი თანამდებობიდან გაანთავისუფლა. სამინისტროს ინფორმაციით, შემოწმების შედეგად, რიგ სკოლებში სხვა დარღვევებთან ერთად, გამოვლინდა სველ წერტილებთან დაკავშირებული ხარვეზები, კერძოდ, საპირფარეშოებში დაცული არ იყო ჰიგიენის ნორმები.

საჯარო სკოლებში ზამთრის არდადეგები 30 დეკემბრიდან დაიწყება. განათლებისა და მეცნიერების სამინისტროს ინფორმაციით, არდადეგები 15 იანვრის ჩათვლით გაგრძელდება. სასწავლო პროცესი 16 იანვარს განახლდება.