აგვისტოში კახეთში კორონავირუსის 10 000-ზე მეტი შემთხვევა აღირიცხა. დაავადებათა კონტროლის ეროვნული ცენტრის კახეთის განყოფილების უფროსის, ნელი ხიზანიშვილის თქმით, მეოთხე ტალღის აღმავალ ეტაპზე, დღიური ინფიცირება ჯერ 200, შემდეგ კი 400-500 შემთხვევაზე ავიდა, რაც რეგიონისთვის რეკორდული მაჩვენებელი იყო. ბოლო კვირების განმავლობაში, ეპიდვითარების სტაბილიზაციის ნიშნები ჩანს.

ბოლო მონაცემებით, კახეთის სამედიცინო დაწესებულებებში კორონავირუსზე 267 ადამიანი აიცრა. დაავადებათა კონტროლის ეროვნული ცენტრის კახეთის განყოფილების უფროსის, ნელი ხიზანიშვილის შეფასებით, ვაქცინაციის დაბალი ტეპის ერთ-ერთი მიზეზი ისიც არის, რომ ვაქცინა მხოლოდ თელავში, გურჯაანსა და ლაგოდეხშია ხელმისაწვდომი. ხიზანიშვილის თქმით, ვაქცინაციის ჩასატარებლად საჭირო მოთხოვნებს ახმეტის ჰოსპიტალიც აკმაყოფილებს.

ვისთვის არის დღეს ვაქცინა ხელმისაწვდომი? რა ეტაპები უნდა გაიაროს კორონავირუსზე აცრის მსურველმა? როგორ ხდება ვაქცინაციაზე რეგისტრაცია? სად შეიძლება კახეთში აცრის ჩატარება? როგორ ხდება ვაქცინის გაკეთება და აცრილზე შემდგომი მეთვალყურეობა? როგორია მიმართვიანობა და რამდენი ადამიანია აცრილი კახეთში არსებულ სამედიცინო დაწესებულებებში?