სოფლის მეურნეობის სამინისტროს ინფორმაციით, აგროპროექტის ფარგლებში ფერმერებს საშუალება ექნებათ გააშენონ მაყვლისა და ჟოლოს კულტურები საქართველოს ყველა რეგიონში, ხოლო კომში ხუთ რეგიონში: კახეთში, შიდა ქართლში, ქვემო ქართლში, მცხეთა-მთიანეთში, სამცხე-ჯავახეთსა და რაჭა-ლეჩხუმ - ქვემო სვანეთში.

„დანერგე მომავალის“ ფარგლებში სახელმწიფო თანადაფინანსების მოცულობა ბაღის გაშენების შემთხვევაში, ნერგების ღირებულების 70%-ს და წვეთოვანი სარწყავი სისტემის ღირებულების 50%-ს შეადგენს, ხოლო სანერგე მეურნეობის შემთხვევაში - მეურნეობის შექმნის ღირებულების 50%-ს.

სოფლის მეურნეობის პროექტების მართვის სააგენტომ აგროპროექტ „დანერგე მომავლის“ განხორციელება 2015 წლიდან დაიწყო.

„პროექტის მიზანია საქართველოს ყველა მუნიციპალიტეტში (თბილისის, რუსთავის, ბათუმის, ქუთაისის და ფოთის გარდა) სასოფლო-სამეურნეო მიწების მიზნობრივი გამოყენების ზრდის მაქსიმალური ხელშეწყობა, მრავალწლოვანი ბაღების გაშენება და სანერგე მეურნეობების მოწყობა.

ოფიციალური ინფორმაციით, აგროპროექტის ფარგლებში გაშენდა/შენდება 2044-ჰა მრავალწლოვანი ხეხილის ბაღები, ხოლო სახელმწიფოს თანადაფინანსებამ 9 767 644 ლარი შეადგინა.