Zrda პროექტი 0.8 ჰექტარი სადედე ბლოკის მოსაწყობად ფერმერს მაყვლისა და ჟოლოს უვირუსო ნერგებს გადასცემს. გარდა ამისა, პროექტი უზრუნველყოფს ნერგის წარმოების აგროტექნოლოგიის ტრანსფერისთვის აუცილებელი ტრენინგებსა და კონსულტაციების ჩატარებას ადგილობრივი და უცხოელი ექსპერტების მონაწილეობით.

პროექტში მონაწილეობის მიღება შეუძლიათ სამიზნე თემებში არსებულ კომპანიებს და ფერმერულ მეურნეობებს, რომელთაც აქვთ სურვილი თანამონაწილეობის პრინციპით მოაწყონ კენკრის სანერგე მეურნეობა. დაფინანსების შემთხვევაში, გრანტის მიმღები ვალდებული იქნება სანერგეს მოსაწყობად არანაკლებ 0.8 ჰექტარი მიწის ნაკვეთი გამოყოს. პანკისის შემთხვევაში განიხილება მცირე ფართობებიც.

დაინტერესებულმა პირებმა 25 სექტემბრის ჩათვლით განაცხადი უნდა წარადგინონ ახმეტის სოფლის მეურნების სამინისტროს საინფორმაციო-საკონსულტაციო სამსახურში (ქ. ახმეტა, ჩოლოყაშვილის ქუჩა N 49) ან გაგზავნონ ელექტრონული ფოსტის მისამართზე: This email address is being protected from spambots. You need JavaScript enabled to view it.

საგრანტო კონკურსსი მონაწილეობის შესახებ დეტალური ინფორმაცია და განაცხადი იხილეთ აქ.

პროექტი Zrda საქართველოში ხუთწლიანი პროგრამაა, რომლის მიზანია სამიზნე რეგიონებში მდგრადი ეკონომიკური განვითარების ხელშეწყობა. კონკრეტულად ეს საგრანტო კონკურსი კი მიზნად ისახავს ხელი შუწყოს კენკრის სანერგე მეურნეობების ჩამოყალიბებას და ამ გზით კენკრის სექტორის განვითარებას წარმოების თანამედროვე ინტენსიური ტექნოლოგიისა და საწარმოო ხერხების გამოყენებით. ეს ინიციატივა ფერმერებს შესაძლებლობას მისცემს გაზარდონ თავიანთი წარმოება და შემოსავლები.