პროექტი ითვალისწინებს 1000 მ2-მდე სასათბურე მეურნეობების მოწყობას თანადაფინანსების პრინციპით.

პროექტი „ზრდა“ გეგმავს ხელი შუწყოს ბოსტნეულის, მარწყვისა და მწვანილის წარმოებას სათბურებში, თანამედროვე ინტენსიური ტექნოლოგიისა და საწარმოო ხერხების გამოყენებით. აღნიშნული ინიციატივა ფერმერებს მისცემს შესაძლებლობას, გაახანგრძლივონ პროდუქციის წარმოების ციკლი და ბაზარზე პროდუქცია შეიტანონ მაშინ, როცა ფასები მაღალია და მიიღონ მაქსიმალური სარგებელი.

საგრანტო პროექტში მონაწილეობის მიღება შეუძლიათ სამიზნე თემებში მცხოვრებ ფერმერებს, რომლებიც დარეგისტრირებული არიან ინდივიდუალურ მეწარმეებად, ან გამონაკლის შემთხვევაში აქვთ საგადასახადო რეგისტრაციის ნომერი, როგორც ფიზიკურ პირს, თუ მათი წლიური შემოსავალი არ აღემატება 200 000 ლარს. გრანტი გაიცემა აგრეთვე მცირე და საშუალო საწარმოებზე, რომელთაც აქვთ სურვილი გააფართოვონ/განაახლონ არსებული სასათბურე მეურნეობა ან მოაწყონ სრულიად ახალი სასათბურე მეურნეობა და სათბურის მოწყობაში მიიღონ ფინანსური და არაფინანსური (მუშა ხელი) თანამონაწილეობა.

საგრანტო კონკურსში მონაწილეობის მისაღებად, დაინტერესებულმა პირებმა უნდა წარადგინონ შევსებული განაცხადი 2018 წლის 25 დეკემბრის ჩათვლით. [განაცხადის ფორმა და პროექტის შესახებ დეტალური ინფორმაცია იხილეთ აქ].

პროექტი „ზრდა“ არის ხუთწლიანი პროგრამა, რომელსაც „ქემონიქს ინთერნეიშენელი“ ახორციელებს. პროექტი მიზნად ისახავს ადგილობრივი მოსახლეობის უნარ-ჩვევების, პროდუქტიულობისა და სავაჭრო კავშირების გაძლიერებას და სუსტი შინამეურნეობებიდან მიკრო, მცირე და საშუალო საწარმოებზე გადასვლას, რათა მათ ხელი შეუწყონ ეკონომიკის სხვადასხვა სფეროების განვითარებას და მიზნობრივი თემებში მდგრადობისა და სტაბილურობის მიღწევას.