თამარ გოზალიშვილი რამდენიმე თვის წინ უმუშევარი დარჩა. საზოგადოებრივი ტრანსპორტის არარსებობის გამო სოფელ საკობიანოდან სამსახურში, ახმეტაში ვერ იარა. კორონავირუსის პანდემიის დაწყებიდან, სოციალურ ქსელში იმდენი ადამიანის გაჭირვებაზე წაიკითხა, რომ ბოლოს მათი დახმარება გადაწყვიტა. „ფეისბუქში“ გვერდი გახსნა და პანკისის ხეობის მცხოვრებლებისთვის დახმარების შეგროვება დაიწყო.