1 ნოემბრის ჩანაწერი (2016 წ) - საქართველოს პოლიცია არის სამართალდამცავი დაწესებულება, რომლის უმთავრეს ფუნქციას საზოგადოების უსაფრთხოებისა და მართლწესრიგის დაცვა წარმოადგენს. ამ ფუნქციის შესასრულებლად პოლიცია ვალდებულია განახორციელოს როგორც პრევენციული ღონისძიებები, ისე სამართალდარღვევებზე რეაგირება. იმავდროულად, პოლიციამ პატივი უნდა სცეს ადამიანის უფლებებსა და თავისუფლებებს, დაიცვას კანონიერების, თანაზომიერებისა და გამჭვირვალობის პრინციპები.

25 ოქტომბრის ჩანაწერი (2016) – საქართველოს მთავრობის 2016 წლის 11 ივლისის №318 დადგენილებით დამტკიცდა ფიზიკურ პირთა ფაქტობრივ მფლობელობაში არსებული სასოფლო-სამეურნეო მიწის ნაკვეთების პრივატიზების სახელმწიფო პროგრამა.

18 ოქტომბრის ჩანაწერი (2016 წ) – 2006 წლის 25 მაისს საქართველოს პარლამენტმა მიიღო კანონი „ოჯახში ძალადობის აღკვეთის, ოჯახში ძალადობის მსხვერპლთა დაცვისა და დახმარების შესახებ“. კანონის მიზანს ოჯახში ძალადობის გამოვლენის, აღკვეთისა და თავიდან აცილებისათვის ეფექტიანი საკანონმდებლო მექანიზმების შექმნა, ასევე ძალადობის მსხვერპლთა დაცვა, დახმარება და რეაბილიტაცია წარმოადგენს.

11 ოქტომბრის ჩანაწერი (2016 წ) – საქართველოს კონსტიტუციით აღიარებული და გარანტირებულია ადამიანის ძირითადი უფლება - გადაადგილების თავისუფლება.

3 ოქტომბრის ჩანაწერი (2016 წ) – გადაცემის თემაა პანკისელი ქალების მიერ ოჯახური და სამოქალაქო დავების გადაწყვეტის გზები. როგორ წყდება პანკისში ოჯახური დავების დროს შვილებთან დაკავშირებული საკითხები,  რა მდგომარეობაა ხეობაში დედის უფლებებთან დაკავშირებით და იყენებენ თუ არა ქალები კანონმდებლობით გათვალისწინებულ მექანიზმებს.

27 სექტემბრის ჩანაწერი (2016 წ) – გადაცემის თემაა მიწის რეგიტრაციასთან დაკავშირებული საკანონმდებლო ცვლილებები. ახალი კანონი 2016 წლის აგვისტოდან ამოქმედდა და მისი მიზანი იმ სირთულეების აღმოფხვრაა, რასაც მიწის ნაკვეთების მფლობელები ქონების რეგისტრაციის პროცესში აწყდებიან.

20 სექტემბრის ჩანაწერი (2016 წ) – გადაცემის თემაა მაღალმთიანი რეგიონების განვითარების შესახებ კანონით გათვალისწინებული შეღავათებით სარგებლობის წესები.

13 სექტემბრის ჩანაწერი (2016 წ) – გადაცემის თემაა რა ქმედებებს განიხილავს კანონმდებლობა ტერორისტულ დანაშაულად და როგორ ისჯება.