საავტომობილო გზების დეპარტამენტის ინფორმაციით, თოვლისა და ლიპყინულის გამო, მისაბმელიანი და ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა აიკრძალა მცხეთა–სტეფანწმინდა–ლარსის საავტომობილო გზის გუდაური –კობის მონაკვეთზე. გზის ამ მონაკვეთზე დანარჩენი სახის ავტოტრანსპორტის მოძრაობა თავისუფალია.

დღეს საქართველოს მთელს ტერიტორიაზე წვიმს, მაღალმთიან რაიონებში კი თოვს. 

გარემოს ეროვნული სააგენტოს ინფორმაციით, აღმოსავლეთ საქართველოში უამინდობა 19 ოქტომბრის დღის პირველ ნახევრამდე გაგრძელდება. მაღალმთიან რაიონებში თოვლი იქნება, ბარში კი წვიმა.