ბავშვებს ჰოლანდიიდან მოწვეული კვალიფიციური ტრენერი მოამზადებს. 50 წუთიანი ვარჯიშები კვირაში ერთხელ ჩატარდება.

„პროექტს ორი მნიშვნელოვანი მიზანი აქვს. ერთი, რომ ძიუდოს ვაზიარებთ ბავშვებს, რაც მათი ჯანმრთელობისა და ცნობიერებისთვის ძალიან კარგია და მეორე მხრივ, გვინდა რომ ძიუდოში მოღვაწე სპორტსმენების კონტიგენტი გავზარდოთ. გვინდა ეს პროექტი ყველა სკოლაში შევიტანოთ. ეს იქნება პილოტური სახით.

სახელმძღვანელო უკვე შექმნილი გვაქვს. ვფიქრობ, რომ ეს პროექტი ძალიან დიდ წინსვლას მოუტანს ძიუდოს და ჩვენს მომავალს“, - განუცხადა ძიუდოს ფედერაციის პრეზიდენტმა დავით ქევხიშვილმა პანკისის სათემო რადიო WAY- ს. 

ძიუდოს ფედერაცია პანკისის შემდეგ იგივე პროექტის განხორციელებას თელავსა და თბილისშიც გეგმავს.