მოსწავლეთა ნაწილი კი სკოლაში არ დადის.

სოფელ დუისის საჯარო სკოლის დირექტორის ლილი სვიაკაურის განმარტებით, ამ პრობლემის მოგვარების მიზნით, სკოლის ადმინისტრაციამ განათლებისა და მეცნიერების სამინისტროს ერთი თვის წინ მიმართა.

„ეს პრობლემა ნაცნობია სკოლისთვის, რესურსცენტრისთვის, განათლების სამინისტროსთვის. მიმდინარე სასწავლო წელს მოსწავლეთა მობილობის დამთავრების შემდეგ, მოსწავლეთა რაოდენობა საგრძნობლად გაიზარდა. წინუბნიდან მოსწავლეთა რაოდენობა გახდა 39, ხოლო მეორე მიმართულებაზე 28. გამომდინარე აქედან, მოსწავლეთა ტრანსპორტირება გაძნელდა. ამიტომ მივართეთ განათლებისა და მეცნიერების სამინისტროს ორივე მიმართულებაზე დამატებითი ტრანსპორტის გამოყოფის თხოვნით. ყველა მოსწავლე უნდა იჯდეს და ასე ხდებოდეს ტრანსპორტირება. იმედია დადებითად გადაწყვეტენ ამ საკითხს და დააკმაყოფილებენ მოთხოვნას“, – განუცხადა სათემო რადიოს დუისის სკოლის დირექტორმა.