მარგველაშვილის განცხადებით, საქართველო განათლებული და თავისუფალი საზოგადოებით ერთად გაივლის გზას დამოუკიდებლობიდან თავისუფლებისაკენ. მისივე თქმით, საქართველოს ხელისუფლებამ დღესვე უნდა დაიწყოს ცვლილებები, რადგან არ არის დრო, რომ მომავალი საქართველოს შენება ათეული წლებით გადაიდოს.

„ქვეყანას მყისიერი წარმატება სჭირდება ყველა სფეროში, რასაც მხოლოდ მაღალი პროფესიონალიზმით, მყარი სამოქალაქო თვითშეგნებით და პროგრესული იდეებით განვახორციელებთ,“ - აღნიშნა გიორგი მარგველაშვილმა.