ფონდის ინფორმაციით, სარეაბილიტაციო სამუშაოების ჩასატარებლად ტენდერი იანვარში გამოცხადდება სამუშაოები კი 10 ივლისამდე უნდა დასრულდეს.

ამავე პროექტის ფარგლებში დაგეგმილია ჯოყოლო-დუმასტურის ხიდთან მისასვლელი გზის რეაბილიტაციაც.

ჯოყოლოს და ბირკიანის სკოლებთან მისასვლელი გზები არასდროს ყოფილა მოასფალტებული. გზები დაზიანებულია, არც სანიაღვრე არხებია მოწყობილი და წვიმიან ამინდებში ატალახებულია, რის გამოც ბავშვებსა და მასწავლებლებს გავლაც კი უჭირთ. ჯოყოლოს საჯარო სკოლაში 158 მოსწავლეა, ბირკიანის სკოლაში კი 145 ბავშვი სწავლობს.

2017 წელს მუნიციპალური განვითარების ფონდი სოფელ ჯოყოლოში სპორტული დარბაზის მშენებლობასაც გეგმავს, რაზედაც ბიუჯეტში 300 ათასი ლარია გათვალისწინებული.