• weather cur horoscope

    შიში გვაქვს, რომ შეიძლება რაღაც უარესიც მოხდეს – ლუიზა მუთოშვილი

    ოთხშაბათი, 04 იანვარი 2017 17:01 view 5626
    შიში გვაქვს, რომ შეიძლება რაღაც უარესიც მოხდეს – ლუიზა მუთოშვილი

    „ჩვენ აქ რა საქმიანობასაც ვეწევით, ჩვენი საზოგადოების გარკვეული ნაწილისთვის არ არის მისაღები. აქედან გამომდინარე, ფეისბუქის საშუალებით ბოლო პერიოდში განსაკუთრებით ძალიან გააქტიურდა აგრესია და მუქარები, მაგრამ საქმე თუ აქამდე მივიდოდა, მართლა ვერ წარმოვიდგინეთ“, – ამბობს ლუიზა მუთოშვილი, არასამთავრობო ორგანიზაცია „კახეთის რეგიონული განვითარების ფონდის“ თანამშრომელი 3 იანვარს, პანკისის სოფელ დუისში მომხდარ ინციდენტთან დაკავშირებით, რა დროსაც უცნობმა პირებმა დუისის კულტურის სახლის და ფონდის ოფისის დაწვა სცადეს.

    „ეს არ არის პირველი შემთხვევა. ჩვენ გვახსოვს შარშან ნაძვისხის დაწვა, რომელიც რატომღაც არ იქნა გამოძიებული და არ დაინტერესდნენ ძალოვანი უწყებები ამ საქმით. ყველა ჩვენგანს ძალიან დიდი შიში გვაქვს იმიტომ, რომ შეიძლება რაღაც უარესიც მოხდეს. აუცილებელია რომ ძალოვანმა უწყებებმა მიხედონ ამ საქმეს, გამოიძიონ, რადგან მოხდეს პრევენცია შემდგომში თუნდაც მსგავსი ან უარესი შემთხვევების თავიდან აცილების მიზნით“, – აღნიშნავს ლუიზა მუთოშვილი.

    უცნობმა პირებმა დუისის კულტურის სახლს, სადაც არასამთავრობო ორგანიზაცია კახეთის რეგიონული განვითარების ფონდის ოფისი ფუნქციონირებს, ცეცხლი 3 იანვარს, საღამოს წაუკიდეს. დამწვარია ერთ–ერთი ოთახის კარი და იატაკის მცირე ნაწილი. ცეცხლი დარაჯმა დროულად შენიშნა და მისი ჩაქრობა მოახერხა.

    ორგანიზაციის დირექტორის იზა ბექაურის განცხადებით, ამ ინციდენტს წინ მუქარები უძღოდა.

    შინაგან საქმეთა სამინისტროს ინფორმაციით, კულტურის სახლის დაწვის მცდელობის ფაქტზე გამოძიება სისხლის სამართლის კოდექსის 187–ე მუხლით დაიწყო, რაც ნივთის დაზიანებას ან განადგურებას გულისხმობს. საქმეს ახმეტის პოლიცია იძიებს.

    დუისში მომხდარ ინციდენტს გამოეხმაურა პანკისის ხეობის ფუნდამენტური ისლამის თემის იმამი ბექხან ფარეულიძე. იმამის განცხადებით, მომხდარის შედეგად ყველაზე მეტად ხეობაში მცხოვრები მუსლიმები დაზარალადნენ, რადგან გრძელდება მათი მიზანმიმართული დისკრედიტაცია.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    მორის მაჩალიკაშვილი დამნაშავედ ცნეს და პატიმრობიდან გაათავისუფლეს

    თბილისის საქალაქო სასამართლომ მალხაზ მაჩალიკაშვილის ძმისშვილი მორის მაჩალიკაშვილი პატიმრობიდან გაათავისუფლა.…

    შსს პანკისში 200 თანამშრომელზე გათვლილ პოლიციის ახალ შენობას აშენებს

    შინაგან საქმეთა სამინისტრო ახმეტის მუნიციპალიტეტში, პანკისის ხეობის სოფელ ძიბახევში, ზუსტად…

    ქარტიის საბჭოს დასკვნით, მაჩალიკაშვილებზე «იმედის» სიუჟეტი მანიპულაციურია

    საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია „იმედის“ სიუჟეტი, რომელიც…
  • პოპულარული

    კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]